„Það er fullt af litlum en góðum sögum í kringum þennan leik. Ég held að allir geti verið sammála um að hin mörkin hafi líka verið mikilvæg,“ sagði Klopp að leik loknum,
„Þetta var virkilega efiður leikur, en þetta endaði vel þannig að þetta er góður dagur.“
Harvey Elliott kom inn á sem varamaður í seinni hálfleik, en hann hafði ekki spilað leik síðan hann fór úr ökklalið í leik gegn Leeds í byrjun september á síðasta ári. Elliott þakkaði traustið með því að skora þriðja mark Liverpool og Klopp hrósaði leikmanninum í hástert.
„Harvey var virkilega óheppinn að lenda í þessum meiðslum en að sama skapi heppinn með allt ferlið sem á eftir fylgdi og það gekk allt vel í dag. Hann stóð sig virkilega vel og sjúkrateymið stóð sig einnig virkilega vel.“
„Hann er óttalaus strákur og frábær fótboltamaður. Það gengur ekki alltaf vel þegar menn lenda í svona meiðslum en þegar þú ert ungur þá kemurðu þér í gegnum þau og hann gerði það. Nú er hann kominn aftur og það er frábært. Það var tilfinningarík stund þegar hann skoraði,“ bætti Klopp við að lokum.
