Stuðningsmenn Leeds þeir ástríðufyllstu í ensku úrvalsdeildinni

Leeds fyllir Elland Road sama hvað á gengur og stuðningsmennirnir hafa staðið á bak við sínu liði þrátt fyrir langa veru í neðri deildum. Stemmningin á Elland Road klikkar sjaldan.

Ný úttekt á hvaða félag eigi ástríðufyllstu stuðningsmennina í ensku úrvalsdeildinni setti Leedsara í efstu sætið.

Fótboltavefsíðan 1sports1 stóð fyrir uppröðun listans en í næstu sætum eru stuðningsmenn Newcastle United og Liverpool.

West Ham er efsta Lundúnaliðið einu sæti á undan Arsenal en stuðningsmenn Chelsea, Leicester og Tottenham komust ekki á topp tíu.

Það vekur líka nokkra athygli hvað Manchester liðin eru bæði neðarlega. Fjölmargir stuðningsmanna þeirra hér á Íslandi eru örugglega mjög ósáttir við það.

Manchester United er bara í sextánda sæti og Englandsmeistarar Manchester City í því sautjánda.

Brentford rekur lestina en stuðningsmenn Burnley og Watford eru líka fyrir neðan Manchester liðin.