Læknir á Landspítalanum sem sendur var í leyfi í nóvember vegna ásakana um kynferðislega áreitni á er kominn aftur til starfa á spítalanum. Þetta staðfestir lögmaður hans, Jón Steinar Gunnlaugsson, í samtali við fréttastofu.
„Það er búið að fella þessar ásakanir niður, enda voru þær algjörlega tilefnislausar. Og þeir áttuðu sig á því, fyrirsvarsmenn spítalans,“ segir Jón Steinar.
Læknirinn, Björn Logi Þórarinsson, er sagður hafa áreitt læknanema á Landspítalanum en Stundin kveðst hafa heimildir fyrir því að tvær konur til viðbótar hafi kvartað undan honum til Landspítalans.
Landspítalinn vildi ekki tjá sig um málið þegar eftir því var leitað.
Sú rannsókn sem fór fram á ásökunum læknanema á Landspítalanum á hendur Björns Loga Þórarinssonar sérfræðilæknis um kynferðislega áreitni er sú ítarlegasta sem ráðist hefur verið í innan spítalans vegna áþekkra ásakana.
