Bíó og sjónvarp

Framleiðendur Ace Ventura í mál við Netflix vegna Tiger King

Samúel Karl Ólason skrifar
Framleiðendur Ace Ventura krefjast minnst 300 þúsund dala frá Netflix fyrir birtingu tveggja búta úr myndinni sem frumsýnd var árið 1995.
Framleiðendur Ace Ventura krefjast minnst 300 þúsund dala frá Netflix fyrir birtingu tveggja búta úr myndinni sem frumsýnd var árið 1995.

Morgan Creek Entertainment, fyrirtækið sem framleiddi kvikmyndirnar um gæludýra-einkaspæjarann Ace Ventura, hefur höfðað mál gegn Netflix. Það er vegna myndefnis úr Ace Ventura 2: When Nature Calls sem notað var í þáttaröðina Tiger King, sem naut gífurlegra vinsælda á Netflix í fyrra.

MCE segir framleiðendur Tiger King hafa notað tvo búta úr myndinni en leikarinn Jim Carrey, sem lék Ace Ventura, var sýnilegur í báðum bútunum. Í öðrum hélt hann á apa og í hinum sat hann á baki fíls.

Þá segir í lögsókn MCE að Ace Ventura 2 sé eina myndin sem notuð sé tvisvar í þáttunum og bútunum hafi verið ætlað að auka áhorf og gefa í skyn að framleiðendur myndanna um Ace Ventura hafi litið Tiger King þættina jákvæðum augum.

Framleiðslufyrirtækið segir þessa búta hafa verið birta án leyfis og milljónir hafi séð þá og jafnvel oftar en einu sinni.

Því sé skaðinn mikilli en MCE hefur krafið Netflix um minnst 300 þúsund dali í skaðabætur, samkvæmt frétt Entertainment Weekly.

Tiger King þættirnir fjalla um tígrisdýraræktandann Joe Exotic og í gegnum hann og sögu hans um umdeilda einkadýragarða í Bandaríkjunum, ræktun tígrisdýra og annarra dýra, launmorð og margt fleira. Joe Exotic, sem heitir í raun Joseph Maldonado-Passage, situr nú í fangelsi fyrir að hafa reynt að fá mann til að ráða konu sem heitir Carol Baskin af dögum.

Ace Ventura 2 kom út árið 1995 og halaði inn um hundrað milljónum dala. Morgan Creek Entertainment framleiddi einnig aðrar vinsælar kvikmyndir eins og Robin Hood: Prince of Thieves og Last of the Mohicans.

Bíó og sjónvarp Netflix

Tengdar fréttir

Baskin-hjónin stefna Net­flix vegna Tiger King 2

Carole Baskin, erkióvinur tígrisdýraræktandans Joe Exotic, hefur kært streymisveituna Netflix vegna þess sem hún vill meina að sé stórfellt brot á samningum sem varða notkun á myndefni af henni og eiginmanni hennar í stiklu annarrar þáttaraðar Tiger King sem frumsýnd verður síðar í mánuðinum.

Önnur þátta­röð Tiger King frum­sýnd í nóvember

Netflix birtu stiklu úr nýrri þáttaröð Tiger King fyrr í dag. Serían er númer tvö í röðinni en sú fyrsta naut gríðarlegra vinsælda um allan heim. Til stendur að frumsýna þáttaröðina þann 17. nóvember næstkomandi.

Joe Exotic segist búa sig undir dauðann vegna krabba­meins

Dýrahirðirinn og dæmdi glæpamaðurinn Joe Exotic segist ekki hafa fengið neina læknisþjónustu svo mánuðum skipti og nú sé hann að búa sig undir dauðann. Exotic afplánar nú 22 ára fangelsisdóm fyrir að hafa skipulagt morðtilraun á helsta óvini sínum.

Tóku 68 framandi dýr úr dýragarði Tiger King

Yfir­völd í Okla­homa í Banda­ríkjunum gerðu í dag rassíu á dýra­garði tígri­s­kóngsins Jeff Lowe sem Net­flix-heimilda­þættirnir vin­sælu Tiger King fjölluðu um. Sam­kvæmt til­kynningu yfir­valda tóku þau 68 framandi dýr af Lowe.

Dætur Lewis höfða mál gegn Carole Baskin

Fjölskylda Don Lewis, sem hvarf árið 1997, hefur höfðað mál gegn fyrrverandi eiginkonu hans, Carole Baskin. Fjölskyldan hefur einnig boðið hundrað þúsund dala verðlaun fyrir upplýsingar um hvað kom fyrir Lewis.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.