Fyrrverandi prestur sakfelldur fyrir barnaníð í Tímor-Leste

Daschbach var vígður prestur árið 1964 og fór hann nokkrum árum síðar til Tímor-Leste. Þar stofnaði hann svo neyðarskýli á tíunda áratug síðustu aldar og var hann dæmdur fyrir að brjóta á munaðarlausum stúlkum og öðrum sem voru í hans umsjá þar.

Presturinn er einnig eftirlýstur í Bandaríkjunum fyrir fjársvik og var ákærður í Bandaríkjunum í sumar fyrir barnaníð í neyðarskýli hans. Ekki er ljóst hvort reynt verði að fá hann framseldan til Bandaríkjanna.

Íbúar Tímor-Leste eru mjög kaþólskir, ef svo má að orði komast, en AP fréttaveitan segir að hlutfallslega búi hvergi fleiri kaþólikkar en í Austur-Tímor, að Vatíkaninu undanskildu. Þá segir fréttaveitan frá því að fórnarlömb Daschbach hafi kvartað yfir morðhótunum ógnunum á meðan á réttarhöldunum gegn prestinum stóð.

Tugir stuðningsmanna Daschbachs biðu fyrir utan dómshúsið í morgun og grétu einhver þeirra þegar niðurstaðan varð ljós.

Hundruð barna hafa búið í skýli Daschbachs í gegnum árinu og stigu margar fram í tengslum við réttarhöldin gegn honum. Níu þeirra báru vitni en þær sögðu prestinn hafa verið með lista yfir stúlkur festan á hurð svefnherbergis síns. Á hverju kvöldi hafi einn þeirra þurft að sitja í fangi hans meðan börn og starfsmenn skýlisins báðu og sungu sálma fyrir svefninn.

Þær segja að stúlkurnar sem hafi setið í fangi hans hafi ávalt þurft að verja nóttinni í svefnherbergi hans þar sem hann hafi brotið á þeim og öðrum börnum.

Lögmaður Daschachs segist ætla að áfrýja niðurstöðunni og gagnrýnir dómstólinn fyrir að hunsa vitnisburð starfsfólk skýlisins og fyrrverandi íbúa þar.

Lögmenn fórnarlamba prestsins segjast einnig ætla að áfrýja þar sem þeim finnist refsingin ekki nægileg.