Martial vill komast burt frá United

Þetta staðfesti umboðsmaður leikmannsins í samtali við Sky Sports í dag, en Martial hefur verið í röðum United frá árinu 2015.

Martial ér ósáttur við spiltíma sinn á leiktíðinni og hefur áhuga á að skoða aðra möguleika í janúar. Hann hefur aðeins byrjað tvo leiki í ensku úrvalsdeildinni á tímabilinu og komið inn af varamannabekknum í öðrum fimm.

Frá því að leikmaðurinn gekk í raðir United hefur hann leikið 174 deildarleiki og skorað í þeim 56 mörk.

Martial skrifaði undir nýjan samning við félagið árið 2019, en sá samningur gildir fram til sumarsins 2024.