Sprengisandur: Kári Stefánsson fer yfir Ómíkrón-afbrigðið

Hlusta má á þáttinn í beinni útsendingu hér að neðan og nálgast má dagskrá hans þar fyrir neðan.

Í þætti dagsins verður farið lyktir NV-málsins svokallaða með fjórum nefndarmönnum úr kjörbréfanefndinni sem skipuð var til að rannsaka hvort ástæða væri til að ógilda þau úrslit sem fyrir lágu eftir hina svokölluðu síðari talningu.

Björn Leví Gunnarsson, Þórunn Sveinbjarnardóttir, Líneik Anna Sævarsdóttir og Vilhjálmur Árnason voru ekki á einu máli um hvernig meta væri gögnin og hvort lýðræðinu hefði verið gefið utan undir eða ekki. Ný ríkisstjórn sem nú er í burðarliðnum verður líka til umræðu og brýnustu verkefni hennar.

Kári Stefánsson forstjóri ÍE verður í þættinum um klukkan ellefu - viðfangsefnið er kórónaveiran og ómíkron-afbrigðuð sem veldur að minnsta kosti áhyggjum svo ekki sé nú meira sagt.

Undir lok þáttar mæta tvær vaskar konur af Suðurnesjunum sem eru í forsvari fyrir nýja Suðurnesjadeild í FKA - Félag kvenna í atvinnulífinu, þær Fida Abu Libdeh stofnandi Geosilica og Guðný Birna Guðmundsdóttir bæjarfulltrúi í Reykjanesbæ og stjórnarformaður HS Veitna.