Sterkari en marmari og þurfa ekkert viðhald

„Quarts-plöturnar eru framleiddar úr náttúrulegum steinsalla, sterkari en granít og marmari en umtalsvert ódýrari,“ segir Karl Njálsson, eigandi Stafna en fyrirtækið selur borðplötur fyrir eldhús og baðherbergi. Karl segir steinplötur mikla heimilisprýði sem endist áratugi. Quartsið bjóði upp á mikla möguleika og gefi náttúrusteini ekkert eftir.

„Með quartsinu fáum við alla kosti náttúrulegra steinplatna, hörkuna og endinguna en losnum við ókosti eins og bletti og viðhald. Quartsið rispast ekki og ekki þarf að bera neitt á það. Það er einfaldara að þrífa þar sem yfirborðið er alveg lokað og dregur til dæmis ekki til sín bakteríur úr umhverfinu. Við höfum selt borðplötur á tannlæknastofur þar sem umhverfið þarf að vera alveg sterilt og á rakarastofu þar sem unnið er með ýmis efni. Þar sem quartsið er steypt er einfaldara að móta það, hafa fjölbreyttari liti, áreiðanlegri munstur, búa til marmararendur til dæmis,“ útskýrir Karl.

Plöturnar eru framleiddar eftir pöntun fyrir undir ströngu gæðaeftirliti og á heimasíðu Stafna er reiknivél þar sem viðskiptavinir geta sett inn mál og fengið verð.

„Við sendum sýnishorn heim til fólks og sú þjónusta er mikið nýtt af landsbyggðinni. Viðskiptavinurinn getur svo pantað plötu eftir máli og þykkt og séð strax fullt verð með heimsendingu, uppsetningu og öllu. Við látum framleiða plötuna, saga og slípa í fullkomnum vélum erlendis fyrir hvern og einn. Við þurfum því ekki að standa kostnað af lagerrekstri sem er ein ástæða þess að við getum boðið gott verð,“ útskýrir Karl. 

Þá þýði milliliðalaus samskipti við framleiðendur erlendis einnig minni kostnað og að Stafnar starfræki ekki sögunarverkstæði með dýrum vélakosti né reki sýningarsal. 

„Það er venjan að rukka aukalega fyrir hvert gat, hvern vask og hverja slípun. Hjá okkur er allt innifalið. Við hjá Stöfnum höfum unun af fallegri innanhússhönnun og mikla ástríðu fyrir því sem við gerum. Allir eiga skilið að eignast draumaeldhúsið sitt, og við viljum leggja okkar af mörkum svo sem flestir geti látið þann draum rætast.“

Herramenn völdu quartz

„Við völdum svartar quartsplötur á rakarastofuna okkar og gætum ekki verið ánægðari með þær. Þær setja mikinn stíl á stofuna hjá okkur og það er mikill kostur hve auðvelt er að þrífa plöturnar og engin hætta á að efnin sem við vinnum með skilji eftir sig bletti,“ 

 Andri Týr Kristleifsson, eigandi rakarastofunnar Herramenn í Kópavogi.

Nánar er hægt að kynna sér úrvalið á heimasíðunni Stafnar.is