Mun stýra fjár­mála­sviði Wise

Í tilkynningu segir að hlutverk framkvæmdastjóra fjármálasviðs verði meðal annars að halda utan um og styðja við uppbyggingu félagsins og stefnumótun, móta og fylgja eftir fjárhagsáætlun ásamt verkefnum tengdum daglegri fjármálastjórn og fjármögnun félagsins.

„Elín er með BSc. gráðu í viðskiptalögfræði frá Háskólanum á Bifröst og hefur víðtæka reynslu af rekstri fyrirtækja, ráðgjöf og verkefnastjórnun. Undanfarin ár hefur hún starfað sem fjármálastjóri Vaka fiskeldiskerfa á Íslandi og samfara því séð um fjármálastjórn í dótturfélögum þess í Noregi, Chile og Skotlandi. Þar áður kom hún að stofnun M7 ráðgjöf þar sem hún vann sem fjárhagsráðgjafi. Elín bjó með fjölskyldu sinni í Danmörku í tæp 10 ár þar sem hún vann sem Viðskiptastjóri (e. Business Controller) hjá Eurofins NSC A/S. Þar hafði hún ásamt hópi sérfræðinga yfirumsjón með fjármálastjórn fyrirtækja Eurofins í Danmörku og Finnlandi. Elín er gift Sveini Snorra Magnússyni sérfræðingi hjá Gagnaveitu Reykjavíkur og saman eiga þau 3 börn,“ segir í tilkynningunni. 

Wise er söluaðili Microsoft Dynamics 365 Business Central bókhalds- og viðskiptahugbúnaðinum ásamt sérlausnum fyrir íslenskan markað og hefur meðal annars sérhæft sig í lausnum á sviði fjármála, verslunar, sérfræðiþjónustu, sveitarfélaga og sjávarútvegslausna með Wisefish lausninni sem er nú notuð í yfir 25 löndum.