Lukkudýr Seahawks klóraði stuðningsmann í höfuðið

Lukkudýr Seahawks er haukurinn Taima. Fyrir alla heimaleiki flýgur hann út með liðinu og hefur gert síðan 2006.

Í leiknum gegn Rams í gær flaug Taima upp í stúku og settist á höfuð stuðningsmanns liðsins. Allt virtist í góðu lagi þar til Taima byrjaði að klóra stuðningsmanninn eins og sjá má í myndbandinu hér fyrir neðan.

Stuðningsmanninum var skiljanlega brugðið en varð sem betur fer ekki meint af eftir þessi viðskipti við haukinn.

Stuðningusmaðurinn fékk ekki sigur í sárabót frá Seahawks því liðið tapaði leiknum í gær, 26-17. Ekki nóg með það heldur meiddist leikstjórnandinn Russell Wilson í leiknum.