Segir frá hringferð um hnöttinn, ræða kosningar, KSÍ og vinnumarkaðinn

Kristján Gíslason, Hringfarinn, maðurinn sem tók sig upp á sextugsaldri, settist upp á mótorhjól og fór hringinn í kringum hnöttinn á eigin spýtur, er fyrstur gesta í Sprengisandi í dag. Þar mun hann deila reysnlu sinni af ferðalaginu.

Friðrik Jónsson formaður BHM kemur einnig og gerir grein fyrir því níu risaverkefnum á vinnumarkaði næstu árin.

Jón Gunnarsson og Þorbjörg Gunnlaugsdóttir alþingismenn ætla að rökræða niðurstöður kosninga, stjórnarmyndun og síðast en ekki síst, talninguna í NV - kjördæmi - hvaða afleiðingar hefur það mál allt?

Í lokin kemur fyrsti kvenformaður knattspyrnusambands í Evrópu, Vanda Sigurgeirsdóttir, og lýsir því hvernig er að taka við sambandi í miklum ólgusjó og hvert hún ætlar að stýra skútunni næstu mánuði.

Þátturinn er á Bylgjunni frá tíu til tólf og má hlusta og horfa á hann í spilaranum hér að neðan.