„Við sem samfélag, hversu galin erum við?

„Langir dagar hjá börnum í burtu að heiman, al yngstu börnin, að þau séu langa daga í burtu frá ​fjölskyldunni. Því fjölskyldan, við erum svo mikilvæg.“

Magga Pála var gestur í hlaðvarpinu 24/7 með Begga Ólafs. Hún er frumkvöðull, baráttukona, upphafskona Hjallastefnunar og rithöfundur. Í viðtalinu segir Magga Pála að þetta finnist henni ekki í lagi.

„Við sem samfélag, hversu galin erum við?“

Að hennar mati þarf að breyta fæðingarorlofskerfinu hér á landi. 

„Fjölskyldan elskar sjálfkrafa börnin sín, það skiptir engu máli hvernig þau eru. Við elskum þau og tignum þau. Á fyrsta æviárinu ertu bara dansandi í kringum þau og með þau. Við elskum þau hvað sem gerist.“

Hún segir að vissulega geti fólk verið lánsamt með barn í vist hjá því sem hún kallar „vandalausa.“

„En ertu viss um að þú sért að setja barnið þitt i þær aðstæður að það verður elskað jafn skilyrðislaust eins og það myndi vera hjá fjölskyldu sinni? Er það að fá alla athyglina sem það þarf? Mér finnst að við eigum að hækka fæðingarorlofið og bjóða litlum börnum, á öðru aldursári, þau eiga bara að vera stutta daga. Þau eiga verja miklu meiri tíma með fólki sem elskar það hvað sem á dynur.“

Þú getur séð þáttinn í heild sinni hér að neðan.

Í þættinum ræðir Margrét muninn á milli kynjana, vendipunktinn þegar hún skildi lífið miklu betur eftir að hún kyssti konu í fyrsta skiptið, uppeldi barna, þrautsiegju, kúgun kerfa, óvinsælu skoðunina að foreldrar láti börn í umsjón annarra eftir eins árs aldur og margt margt fleira.