Fótbolti

Hvít-Rússar með stórsigur gegn Kýpur í riðli Íslands

Hjörtur Leó Guðjónsson skrifar
Hvíta-Rússland fer vel af stað í riðli okkar Íslendinga í undankeppni HM 2023.
Hvíta-Rússland fer vel af stað í riðli okkar Íslendinga í undankeppni HM 2023. Huw Fairclough/Getty Images

Hvíta-Rússland og Kýpur áttust við í C-riðli í undankeppni HM 2023 sem fram fer í Ástralíu og Nýja-Sjálandi í dag. Liðin eru með íslensku stelpunum í riðli, en það voru Hvít-Rússar sem unnu öruggan 4-1 sigur.

Anna Kozyupa kom Hvíta-Rússlandi yfir strax á sjöttu mínútu áður en Anastasia Shuppo tvöfaldaði forystuna af vítapunktinum á fjórðu mínútu uppbótartíma fyrri hálfleiks.

Anna Pilipenko breytti stöðunni í 3-0 snemma í seinni hálfleik, en Antri Violari minnkaði muninn fyrir Kýpur á 57. mínútu.

Tveim mínútum síðar skoraði Anastasia Shlapakova fjórða mark Hvít-Rússa og tryggði þeim þar með öruggan 4-1 sigur.

Þetta var fyrsta leikur riðilsins og Hvít-Rússar tróna því á toppi C-riðils með þrjú stig og vænlega markatölu.

HM 2023 í Ástralíu og Nýja-Sjálandi Fótbolti

Mest lesið


Fleiri fréttir

Sjá meira


×

Mest lesið