Samfylkingin skorar hæst á kvarða Samtakanna '78 en þrír flokkar fá engin stig

Miðflokkurinn fær 3 stig af 115 mögulegum, Píratar 85 stig, Samfylkingin 89 stig, Sjálfstæðisflokkurinn 21 stig, Sósíalistaflokkur Íslands 63 stig, Viðreisn 78 stig og Vinstri græn 81 stig.

Flokkarnir gátu skorað stig á eftirfarandi kvarða:

Skýr framtíðarsýn í málefnum hinsegin fólks 

Sértæk stefna í málefnum hinsegin fólks 

Að nægilegt fjármagn sé tryggt Samtökunum ’78 svo þau geti sinnt hlutverki sínu 

Að stjórnvöld viðurkenni og meti hlutverk Samtakanna ’78 og taki þeim alvarlega 

Almennt jákvætt framtak eða stefna er varðar hinsegin fólk 

Vilji til að breyta lögum um mannanöfn í frjálslyndari átt

Stefna er varðar ættleiðingar hinsegin fólks

Frjálslyndari stefna fyrir hinsegin foreldra, t.d. fleiri en tvö foreldri skráð án ættleiðingar

Atriði er varðar bann við meðferð við hinseginleika (conversion therapy)

Vilji til að bæta breytum er varðar hinseginleika inn í stjórnarskrá Íslands

Atriði er varðar heilsu og heilsufarsleg réttindi í stefnumálum 

Skýrt kveðið á um umboð stofnanna sem fer með málaflokk hinsegin málefna

Framsækin stefna í blóðgjafarmálum hinsegin fólks, þá sérstaklega MSM 

Vilyrði til að bæta við hinseginleikabreytum í menntastefnu (eða sambærilega stefnu) 

Sjálfkrafa viðurkenning foreldra af sama kyni í opinberum gögnum

Skýr stefna um hatursglæpi gegn hinsegin fólki 

Skýr stefna um hatursáróður gegn hinsegin fólki 

Vilji til að bæta lög er varða hatursglæpi 

Vilji til að bæta lög er varða hatursáróður 

Stefna gegn hatri, almennt 

Afsjúkdómsvæðing hinsegin fólks, þá sérstaklega trans fólks 

Að bann við inngripum á ódæmigerðum kyneinkennum barna sem ekki geta gefið leyfi sé skýrt í stefnu 

Bætt stefna varðandi hinsegin fólk er leitar að alþjóðlegri vernd 

Skýr vilji til breytinga á lögum um hinsegin fólk er leitar að alþjóðlegri vernd 

Svör flokkanna við spurningum Samtakanna '78 má finna hér.