Í þættinum vakti hann athygli fyrir skemmtilega, líflega og einlæga framkomu en hann og alteregóið hans Baldur galdur náðu ekki bara...
Höskuldarviðvörun (e. spoiler alert)
Fyrir þá sem ætla sér að horfa á þáttinn en hafa enn ekki séð hann þá mælum við sterklega með því að hætta að lesa hér.
...að heilla Kristbjörgu á stefnumótinu heldur einnig áhorfendur heima í stofu.
Grátulagalistinn Mjúkur
Í sófaspjallinu eru þátttakendur meðal annars spurðir út í sögu sína og áhugamál og þegar Sölvi er spurður út í tónlistarsmekk segist hann hálfgerð alæta, þó svo að hip hop sé í uppáhaldi.
En Sölvi hlustar einnig á sérstakan leynilagalista til að koma sér í rétta gírinn. Eins og sjá má í klippunni hér fyrir neðan er lagalistinn í frumlegri kantinum.
Fyrir áhugasama grátara er hægt að nálgast Spotify lagalistann Mjúkur hér fyrir neðan.
Pikköpp línan sem hefur virkað best
Síðar i spjallinu barst talið að því hvernig hann ber sig að þegar hann vill nálgast stelpur sem hann hefur áhuga á.
Þar komum við aldeilis ekki að tómum kofanum. Ó, nei..
Fyrsta blikið eru stefnumóta- og raunveruleikaþættir sem sýndir eru á Stöð 2.
Í hverjum þættir eru kynntir til leiks fjórir einstaklingar sem áhorfendur fá að kynnast í gegnum sófaspjall sem og spjall við aðstandendur. Sýnt er frá spennunni fyrir stefnumótið og auðvitað stefnumótinu sjálfu sem gerist á veitingastaðnum Monkeys í miðbæ Reykjavíkur.
Þættirnir eru sjö talsins og eru á dagskrá Stöðvar 2 á föstudagskvöldum klukkan 18:55 og koma í kjölfarið á Stöð 2+. Hægt er að kaupa áskrift að Stöð 2+ hér.
