Mest spennandi nýliðar ensku úrvalsdeildarinnar: Sancho, Bailey, Konate og fleiri Runólfur Trausti Þórhallsson skrifar 12. ágúst 2021 14:01 Jadon Sancho toppar lista Football365 yfir mest spennandi nýliða ensku úrvalsdeildarinnar. Ash Donelon/Getty Images Vefmiðillinn Football365 tók saman tíu áhugaverðustu nýliða ensku úrvalsdeildarinnar en tímabilið hefst á morgun með leik Brentford og Arsenal. Bæði lið eiga einn leikmann á listanum. Líkt og fyrir hvert tímabil hafa ensk úrvalsdeildarfélög eitt fúlgum fjár í nýja leikmenn. Mikil spenna er í loftinu, sumir þeirra eiga eftir að blómstra á meðan aðrir munu bogna undan pressunni og lítið sýna. Hér að neðan eru tíu leikmenn sem hafa allt til þess að blómstra og stuðningsfólk þeirra bíður í ofvæni eftir að sjá. Rico Henry, Brentford Mjög öflugur vinstri bakvörður sem hefur verið hluti af stórskemmtilegu liði Brentford í B-deildinni undanfarin tvö ár. Southampton horfði hýru auga til leikmannsins áður en Býflugurnar tryggðu sér sæti í úrvalsdeildinni. Valentino Livramento, Southampton Livramento er enn einn ungi leikmaðurinn sem yfirgefur Chelsea í leit að meiri spiltíma. Þessi 18 ára gamli leikmaður spilar í stöðu hægri bakvarðar og ekki líklegt að hann hefði fengið margar mínútur undir stjórn Thomas Tuchel í vetur. Er nú mættur í Southampton þar sem hann mun án efa fá tækifæri til að láta ljós sitt skína. Efri: Gil og Henry. Neðri: Lokonga og Guehi.EPA/Getty Images Albert-Mboyo Sambi Lokonga, Arsenal Þessi 21 árs gamli miðjumaður kemur frá Anderlecht í Belgíu og kostaði 15 milljónir punda. Lék sex leiki fyrir U-21 árs landslið Belgíu en á þó enn eftir að leika sinn fyrsta A-landsleik. Á að lífga upp á miðju Arsenal og veita mönnum á borð við Granit Xhaka, Thomas Partey og fleirum samkeppni. Francisco Trincao, Wolves Ein óvæntustu félagaskipti sumarsins voru þegar Francisco Trincao fór frá Barcelona til Wolverhampton Wanderers. Börsungar eru í vandræðum fjárhagslega og Wolves ákvað því að sækja leikmanninn. Er einnig 21 árs gamall og verður spennandi að sjá hvernig hann aðlagast ensku deildinni. Marc Guehi, Crystal Palace Hluti af nýju Crystal Palace liði undir stjórn Patrick Vieira. Er einkar lunkinn með boltann en að sama skapi mjög líkamlega þroskaður þrátt fyrir að vera aðeins 21 árs. Mun spila í hjarta varnarinnar ásamt Joachim Andersen sem kom frá Lyon. Leon Bailey, Aston Villa Ein af mest spennandi kaupum sumarsins. Aston Villa nýtti peninginn sem fékkst fyrir Jack Grealish vel og er Bailey einn af þeim sem var fenginn inn til að fylla skarð enska landsliðsmannsins. Bailey hefur leikið með Bayer Leverkusen við góðan orðstír undanfarin misseri og kom á óvart þegar Aston Villa landaði honum. Ibrahima Konate, Liverpool Einu kaup Liverpool til þessa í sumar. Kom frá RB Leipzig og á að hjálpa til við að leysa miðvarðarvandamál Liverpool-liðsins. Konate er 22 ára gamall Frakki sem fór til Leipzig árið 2017. Hefur leikið fjölda yngri landsleikja en aldrei A-landsleik. Konate og Bailey.EPA/Samsett Bryan Gil, Tottenham Hotspur Aðeins tvítugur að aldri. Kemur til Lundúna frá Sevilla. Mjög skemmtilegur leikmaður sem fær vonandi að njóta sín hjá Spurs. Er talinn líkjast Luis Figo eða Angel Di Maria á velli. Patson Daka, Leicester City Einkar snöggur framherji sem virðist eiga að leysa Jamie Vardy af hólmi þegar fram líða stundir. Skoraði 51 mark í aðeins 42 byrjunarliðsleikjum með RB Salzburg. Daka og GilEPA/Samsett Jadon Sancho, Manchester United Enska ungstirnið er loks komið aftur til Bretlandseyja eftir að hafa gert garðinn frægan með Borussia Dortmund. Er aðeins 21 árs gamall þrátt fyrir að fara verið í sviðsljósinu undanfarin ár. Kom að 89 mörkum í 104 leikjum með Dortmund og á því að fríska enn frekar upp á sóknarleik Man Utd. Fótbolti Enski boltinn Mest lesið Hæsti fótboltamaður í heimi Fótbolti Rio grínaðist með söngva Liverpool fólksins Enski boltinn Má ekki skipta um föt í búningsklefa Arsenal en má spila með liðinu Enski boltinn Gætt af Interpol og sagt að fela fána fyrir leikinn við Ísland Körfubolti Tryggvi setti „að moka skít“ í annað sætið Körfubolti Stjóri Ísaks Bergmanns vakti athygli fyrir klæðaburð sinn Fótbolti Dagskráin: Íslendingalið mætir Man. Utd og barist um Meistaradeildarsæti Sport Sjáðu draumamark Tryggva, erfitt víti í rokinu og Valdimar leiða Víking til sigurs Íslenski boltinn Hákon Rafn hélt hreinu þegar Brentford fór áfram en þrjú Íslendingalið úr leik Enski boltinn „Í ruslið með þetta og áfram gakk“ Sport Fleiri fréttir Rio grínaðist með söngva Liverpool fólksins Má ekki skipta um föt í búningsklefa Arsenal en má spila með liðinu Hákon Rafn hélt hreinu þegar Brentford fór áfram en þrjú Íslendingalið úr leik Gordon bað bæði liðsfélagana og Van Dijk afsökunar Palace gerir hosur sínar grænar fyrir Akanji Borga fjörutíu milljónir punda fyrir kantmann sem skoraði tvö mörk í fyrra Höfnuðu fimmtíu milljóna punda tilboði í Strand Larsen Slot gagnrýnir Newcastle: „Þetta var ekki fótboltaleikur“ Segir að Dowman sé eins og Messi Gagnrýndu Bruno: „Hann átti skelfilegan leik“ Sjáðu sigurmark Rios og öll hin frá St. James' Park Hélt uppi meira en aldar gamalli hefð Van Dijk um Rio: Draumabyrjun en hann verður að vera auðmjúkur Rio setti nýtt Liverpool met Sextán ára strákur tryggði Liverpool öll stigin Selja „Isak er rotta“ treyjur fyrir utan völlinn og eldspýtur fylgja með Slot hefur enga samúð með Eddie Howe vegna Isaks „Getur ekki látið 140 milljóna punda mann í varaliðið“ Isak utan vallar en þó í forgrunni Saka frá í mánuð og missir af Liverpool Botna lítið í Amorim: „Hann er ein taugahrúga“ Rooney feginn að Dowman tók ekki vítið Fernandes ósáttur: „Dómarinn baðst ekki afsökunar“ Sjáðu Grealish fara á kostum og öll mörkin í gær Allt jafnt í Fulham og bæði lið bíða enn eftir fyrsta sigri Fullkomin byrjun Everton á nýja heimilinu Áfram í marki Man. Utd eftir mistökin Onana með í dag en Man. Utd að landa markverði Eze í treyju númer tíu og byrjar á stórleik við Liverpool Þrír leikir í enska: Draumabyrjun Outtara en gömlu félagarnir unnu líka Sjá meira
Líkt og fyrir hvert tímabil hafa ensk úrvalsdeildarfélög eitt fúlgum fjár í nýja leikmenn. Mikil spenna er í loftinu, sumir þeirra eiga eftir að blómstra á meðan aðrir munu bogna undan pressunni og lítið sýna. Hér að neðan eru tíu leikmenn sem hafa allt til þess að blómstra og stuðningsfólk þeirra bíður í ofvæni eftir að sjá. Rico Henry, Brentford Mjög öflugur vinstri bakvörður sem hefur verið hluti af stórskemmtilegu liði Brentford í B-deildinni undanfarin tvö ár. Southampton horfði hýru auga til leikmannsins áður en Býflugurnar tryggðu sér sæti í úrvalsdeildinni. Valentino Livramento, Southampton Livramento er enn einn ungi leikmaðurinn sem yfirgefur Chelsea í leit að meiri spiltíma. Þessi 18 ára gamli leikmaður spilar í stöðu hægri bakvarðar og ekki líklegt að hann hefði fengið margar mínútur undir stjórn Thomas Tuchel í vetur. Er nú mættur í Southampton þar sem hann mun án efa fá tækifæri til að láta ljós sitt skína. Efri: Gil og Henry. Neðri: Lokonga og Guehi.EPA/Getty Images Albert-Mboyo Sambi Lokonga, Arsenal Þessi 21 árs gamli miðjumaður kemur frá Anderlecht í Belgíu og kostaði 15 milljónir punda. Lék sex leiki fyrir U-21 árs landslið Belgíu en á þó enn eftir að leika sinn fyrsta A-landsleik. Á að lífga upp á miðju Arsenal og veita mönnum á borð við Granit Xhaka, Thomas Partey og fleirum samkeppni. Francisco Trincao, Wolves Ein óvæntustu félagaskipti sumarsins voru þegar Francisco Trincao fór frá Barcelona til Wolverhampton Wanderers. Börsungar eru í vandræðum fjárhagslega og Wolves ákvað því að sækja leikmanninn. Er einnig 21 árs gamall og verður spennandi að sjá hvernig hann aðlagast ensku deildinni. Marc Guehi, Crystal Palace Hluti af nýju Crystal Palace liði undir stjórn Patrick Vieira. Er einkar lunkinn með boltann en að sama skapi mjög líkamlega þroskaður þrátt fyrir að vera aðeins 21 árs. Mun spila í hjarta varnarinnar ásamt Joachim Andersen sem kom frá Lyon. Leon Bailey, Aston Villa Ein af mest spennandi kaupum sumarsins. Aston Villa nýtti peninginn sem fékkst fyrir Jack Grealish vel og er Bailey einn af þeim sem var fenginn inn til að fylla skarð enska landsliðsmannsins. Bailey hefur leikið með Bayer Leverkusen við góðan orðstír undanfarin misseri og kom á óvart þegar Aston Villa landaði honum. Ibrahima Konate, Liverpool Einu kaup Liverpool til þessa í sumar. Kom frá RB Leipzig og á að hjálpa til við að leysa miðvarðarvandamál Liverpool-liðsins. Konate er 22 ára gamall Frakki sem fór til Leipzig árið 2017. Hefur leikið fjölda yngri landsleikja en aldrei A-landsleik. Konate og Bailey.EPA/Samsett Bryan Gil, Tottenham Hotspur Aðeins tvítugur að aldri. Kemur til Lundúna frá Sevilla. Mjög skemmtilegur leikmaður sem fær vonandi að njóta sín hjá Spurs. Er talinn líkjast Luis Figo eða Angel Di Maria á velli. Patson Daka, Leicester City Einkar snöggur framherji sem virðist eiga að leysa Jamie Vardy af hólmi þegar fram líða stundir. Skoraði 51 mark í aðeins 42 byrjunarliðsleikjum með RB Salzburg. Daka og GilEPA/Samsett Jadon Sancho, Manchester United Enska ungstirnið er loks komið aftur til Bretlandseyja eftir að hafa gert garðinn frægan með Borussia Dortmund. Er aðeins 21 árs gamall þrátt fyrir að fara verið í sviðsljósinu undanfarin ár. Kom að 89 mörkum í 104 leikjum með Dortmund og á því að fríska enn frekar upp á sóknarleik Man Utd.
Fótbolti Enski boltinn Mest lesið Hæsti fótboltamaður í heimi Fótbolti Rio grínaðist með söngva Liverpool fólksins Enski boltinn Má ekki skipta um föt í búningsklefa Arsenal en má spila með liðinu Enski boltinn Gætt af Interpol og sagt að fela fána fyrir leikinn við Ísland Körfubolti Tryggvi setti „að moka skít“ í annað sætið Körfubolti Stjóri Ísaks Bergmanns vakti athygli fyrir klæðaburð sinn Fótbolti Dagskráin: Íslendingalið mætir Man. Utd og barist um Meistaradeildarsæti Sport Sjáðu draumamark Tryggva, erfitt víti í rokinu og Valdimar leiða Víking til sigurs Íslenski boltinn Hákon Rafn hélt hreinu þegar Brentford fór áfram en þrjú Íslendingalið úr leik Enski boltinn „Í ruslið með þetta og áfram gakk“ Sport Fleiri fréttir Rio grínaðist með söngva Liverpool fólksins Má ekki skipta um föt í búningsklefa Arsenal en má spila með liðinu Hákon Rafn hélt hreinu þegar Brentford fór áfram en þrjú Íslendingalið úr leik Gordon bað bæði liðsfélagana og Van Dijk afsökunar Palace gerir hosur sínar grænar fyrir Akanji Borga fjörutíu milljónir punda fyrir kantmann sem skoraði tvö mörk í fyrra Höfnuðu fimmtíu milljóna punda tilboði í Strand Larsen Slot gagnrýnir Newcastle: „Þetta var ekki fótboltaleikur“ Segir að Dowman sé eins og Messi Gagnrýndu Bruno: „Hann átti skelfilegan leik“ Sjáðu sigurmark Rios og öll hin frá St. James' Park Hélt uppi meira en aldar gamalli hefð Van Dijk um Rio: Draumabyrjun en hann verður að vera auðmjúkur Rio setti nýtt Liverpool met Sextán ára strákur tryggði Liverpool öll stigin Selja „Isak er rotta“ treyjur fyrir utan völlinn og eldspýtur fylgja með Slot hefur enga samúð með Eddie Howe vegna Isaks „Getur ekki látið 140 milljóna punda mann í varaliðið“ Isak utan vallar en þó í forgrunni Saka frá í mánuð og missir af Liverpool Botna lítið í Amorim: „Hann er ein taugahrúga“ Rooney feginn að Dowman tók ekki vítið Fernandes ósáttur: „Dómarinn baðst ekki afsökunar“ Sjáðu Grealish fara á kostum og öll mörkin í gær Allt jafnt í Fulham og bæði lið bíða enn eftir fyrsta sigri Fullkomin byrjun Everton á nýja heimilinu Áfram í marki Man. Utd eftir mistökin Onana með í dag en Man. Utd að landa markverði Eze í treyju númer tíu og byrjar á stórleik við Liverpool Þrír leikir í enska: Draumabyrjun Outtara en gömlu félagarnir unnu líka Sjá meira