Eins og við höfum oft sagt frá þá var staðan í Soginu heldur erfið þegar meira að segja á góðu sumri skilaði áinn fáum löxum. Heildarveiðin í Soginu þegar síðustu veiðitölur voru teknar saman fyrir viku voru 182 laxar á land en besti tíminn er gjarnan ágústmánuður svo Sogið gæti átt nóg inni. Að sama skapi er septemberveiðin líka oft ansi drjúg.
Ingólfur Ásgeirsson hjá Starir leigutaka Sogsins, það er að segja svæðinu kenndu við B'ildsfell,var við veiðar í ánni með vinum og fjölskyldu í gær og var fjórum löxum landað en þrír sem sett var í að auki en sluppu af. Ásgarður hefur gefið flesta laxa í sumar en góðu fréttirnar eru líka þær að lax er farin að veiðast við Alviðru sem hefur verið lítið stunduð undanfarin ár og margir hreinlega búnir að afskrifa það svæði. Þar er ágæt bleikjuveiði og laxinn farinn að stoppa þar í auknum mæli.
