Hollið að detta í 60 laxa

Karl Lúðvíksson skrifar 18. júlí 2021 07:38

Fallegur lax úr Langá sem veiddist í Dyrfljóti Mynd: KL

Langá á Mýrum fór rólega af stað og hefur veiðin verið minni en vonir stóðu til eins og í öðrum ám á vesturlandi.

Það er engu að síður ágætis gangur í hollinu sem er við veiðar núna en þegar tölur voru teknar saman í gær var hollið að detta í 60 laxa þegar ein vakt er eftir. Lax er farinn að veiðast á svæðinu sem er kallar Fjallið en í gær komu laxar upp í Bjargstreng og Skriðufljóti. Langá er líklega í besta sumarvatni sem hún hefur verið í síðan 2015 en kalt vorið og kaldir dagar í sumar hafa ekki beinlínis verið að gera tökuna auðvelda.

Ekki hefur borið mikið á tveggja ára laxi og eins árs lax göngurnar eru undirvæntingum en það virðist engu að síður vera nóg af laxi til að halda veiðimönnum uppteknum. Ef niðurstaðan í þessu holli sem er við veiðar núna verður um 80 laxar þá er það ansi rífleg hækkun í veiðitölum en áinn stóð 153 löxum þegar þetta holl mætti til veiða.

Stangveiði Borgarbyggð