Fótbolti

Loksins vann Messi titil með Argentínu

Runólfur Trausti Þórhallsson skrifar
Þungu fargi var létt af Lionel Messi eftir sigur á Brasilíu í nótt.
Þungu fargi var létt af Lionel Messi eftir sigur á Brasilíu í nótt. Thiago Ribeiro/Getty Images

Argentína vann Suður-Ameríkubikarinn í knattspyrnu með 1-0 sigri á Brasilíu í nótt. Er þetta fyrsti titill Lionel Messi með Argentínu.

Sigurmarkið kom eftir rúmlega tuttugu mínútna leik þegar Rodrigo de Paul renndi boltanum í gegnum vörn heimamanna þar sem Angel di Maria fékk boltann og lyfti honum snyrtilega yfir Ederson í marki Brasilíu.

Markið má sjá hér að neðan

Leikmenn Brasilíu gerðu hvað þeir gátu til að jafna metin en það tókst ekki og Argentína fagnaði sigri. 

Fögnuður Argentínumanna var ósvikinn í leikslok og ljóst að þetta skipti þá miklu máli, þá sérstaklega Lionel Messi sem hefur unnið fjölda titla með Barcelona en engan með landsliði sínu.

Fótbolti Copa América

Mest lesið


Fleiri fréttir

Sjá meira


×

Mest lesið