Fín veiði á Skagaheiðinni

Skagaheiðin er mjög vinsæl hjá hópi veiðimanna og þar innan um eru reynsluboltar sem hafa sótt í vötnin í áratugi. Veiðin hefur hjá flestum farið vel af stað hjá fyrsta degi og mýmörg dæmi eru um að veiðimenn séu að fá 50 silunga á dag á stöng þegar best lætur. 

Það skal þó hafa í huga að þarna er um að ræða veiðimenn sem þekkja vötnin vel og þurfa ekki mikið að leita af fiski heldur vita hvert á að fara eftir veðri til að veiða vel. Þeir sem eru að sækja heiðina í fyrsta skipti geta líka gert mjög fína veiði enda er nóg af silung í flestum vötnunum. Miðað við veðurspánna næstu daga er frábært að skella sér norður því einna best er að veiða á hlýjum sumardögum og þá eins og venjulega er takan best snemma á morgnana til 11:00 og svo virðist allt fara í gang seinni partinn og oftar en ekki langt fram á kvöld.