Ólíkir ráðherrar saman á fundi NATO fyrir hönd Íslands Óttar Kolbeinsson Proppé skrifar 14. júní 2021 22:52 Katrín á fundinum í dag. Guðlaugur Þór situr fyrir aftan hana. stjórnarráðið Leiðtogar Atlantshafsbandalagsins (NATO) funduðu í höfuðstöðvum þess í Brussel í dag. Tveir ráðherrar Íslands sátu fundinn en þeir hafa nokkuð misjafna sýn á hlutverk bandalagsins og hvort Ísland eigi í raun heima þar. Viðhorf ráðherranna til bandalagsins er mjög ólíkt en Katrín hefur margsinnis gefið það út að hún vilji ekki að Ísland sé meðlimur þess. Guðlaugur Þór er hins vegar einlægur talsmaður þess að Ísland sé í NATO. Katrín með sömu áherslur og síðast Fundurinn virðist hafa verið nokkuð hefðbundinn í dag og breyttust áherslur Katrínar lítið sem ekkert milli ára. Hún lagði þannig áherslu á loftslagsmál og afvopnunarmál í ár rétt eins og á síðasta leiðtogafundi bandalagsins. Tillögur Jens Stoltenbergs, framkvæmdastjóra NATO, voru til umfjöllunar á fundinum í dag en þær eiga að miða að því að gera bandalagið betur í stakk búið til að takast á við „öryggisáskoranir og -ógnir“ á næstu árum. Vísir náði ekki tali af Katrínu í kvöld en í tilkynningu frá forsætisráðuneytinu er vísað í orð hennar: „Stoltenberg leggur til breiðari nálgun á öryggismál, áherslu á þær ógnir sem fylgja loftslagsbreytingum og mikilvægi þess að takast á við þær. Sömuleiðis leggur hann ríka áherslu á viðnámsþol ríkjanna og á að standa vörð um alþjóðakerfið. Á fundinum í dag var rík samstaða um þessar áherslur. Í innleggi mínu lagði ég sérstaka áherslu á loftslagsvána og mikilvægi þess að við náum árangri í afvopnunarmálum.“ Í sömu tilkynningu er svo haft eftir Guðlaugi Þór: „Mikil samstaða er um að ríkin þétti raðirnar og mæti þeim öryggisáskorunum sem við stöndum frammi fyrir í sameiningu. Þessi samstaða og eindregin skilaboð frá nýjum stjórnvöldum vestanhafs um stuðning þeirra við Atlantshafstengslin eru að mínu mati mikilvægustu skilaboðin af fundinum,“ er haft eftir honum í tilkynningu. Þessar stuttu yfirlýsingar sem ráðherrarnir tveir láta hafa eftir sér eftir fundinn draga kannski misjafnt viðhorf þeirra til bandalagsins ágætlega fram. Katrín leggur áherslu á tillögur Stoltenbergs um aðgerðir í loftslagsmálum, viðnámsþol ríkjanna og að standa vörð um alþjóðakerfið á meðan Guðlaugi Þór finnst stuðningur Bandaríkjanna og þétt samstaða aðildarríkja um að mæta ógn á öryggi sem þau standa frammi fyrir mikilvægustu skilaboð fundarins. Vilja halda yfirburðum sínum Hernaðaruppbygging Rússa og vaxandi umsvif Kínverja á alþjóðavettvangi virðast eitt helsta áhyggjuefni leiðtoga bandalagsins og voru þessi atriði til umræðu í dag. Í tillögum Stoltenbergs er til dæmis lögð áhersla á að tæknilegu forskoti aðildarríkjanna sé viðhaldið. Leiðtogarnir sem sóttu fundinn. Katrín og Guðlaugur standa lengst til hægri á myndinni fyrir aftan Boris Johnson, forsætisráðherra Bretlands.stjórnarráðið Biden boðar nýja tíma Fundurinn í dag var sá fyrsti sem Joe Biden Bandaríkjaforseti tekur þátt í eftir að hann tók við embætti. Svo virðist sem sú togstreita sem einkenndi samskipti Bandaríkjanna við bandalagið í stjórnartíð Donald Trump heyri sögunni til en hann krafðist þess að aðildarríkin ykju framlög sín til her- og varnarmála. Þessa viðhorfsbreytingu Bandaríkjamanna telur Guðlaugur Þór að standi upp úr eftir fundinn. Katrín átti svo einnig tvíhliða fundi með Janez Jansa, forsætisráðherra Slóveníu, Kaju Kallas, forsætisráðherra Eistlands og með Ursulu von den Leyen, forseta framkvæmdastjórnar ESB. Guðlaugur fundaði þá með Sigrid Kaag, utanríkisráðherra Hollands. NATO Ríkisstjórn Katrínar Jakobsdóttur Utanríkismál Hernaður Loftslagsmál Mest lesið Vön því að hringja í fullorðna karlmenn á fölskum forsendum Innlent Játa frelsisviptingu og rán en hafna manndrápi Innlent Aldrei kynnst neinum sem harkaði jafnmikið af sér Innlent „Ég er fimmtíu kíló, ég get ekki stoppað hann“ Innlent „Hann var hræddur, eiginlega alveg skíthræddur“ Innlent Tilgangurinn að ná í „easy money“ Innlent Yfirmaður heraflans er á móti hernámi og vill semja Erlent „Tesla er ekki málið til að standa í svona“ Innlent Hækkar frítekjumark vegna hækkunar örorkulífeyris Innlent Hættir hjá borgarstjóra og aðstoðar nú ráðherra Innlent Fleiri fréttir Loka Bröttubrekku í tvo daga „Tesla er ekki málið til að standa í svona“ Minntust Jesse í Vesturbænum: „Það er mikill söknuður af virkilega góðum dreng“ Skýr mynd dregin upp í dómsal og minningarstund Hækkar frítekjumark vegna hækkunar örorkulífeyris „Hann var hræddur, eiginlega alveg skíthræddur“ Kjaraviðræður Sinfó „stefni í rétta átt“ Stöðupróf verði skylda í öllum skólum strax í vor „Ég er fimmtíu kíló, ég get ekki stoppað hann“ Núverandi staða ekki talin vera alvarleg Vön því að hringja í fullorðna karlmenn á fölskum forsendum Opna Vesturbæjarlaug á morgun en Sundhallargestir þurfa að bíða Tilgangurinn að ná í „easy money“ Jökulhlaupið í rénun Í beinni frá héraðsdómi, unglingadrykkja og áheitakóngur Aldrei kynnst neinum sem harkaði jafnmikið af sér Hættir sem ritstjóri Kveiks Hættir hjá borgarstjóra og aðstoðar nú ráðherra Meirihluti hefur áhyggjur af laxastofninum nema í fjörðunum Jóhann tekur við af Gunnari hjá Landssambandi veiðifélaga Skýrslur teknar af tíu börnum undir sex ára á síðustu 20 árum Lögregla kölluð til vegna einstaklinga sem tjölduðu í skógarrjóðri Betra að borga tryggingarnar en að sitja uppi með allsherjartjón Játa frelsisviptingu og rán en hafna manndrápi Metaðsókn og söfnunarmet slegið 13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Steindór Örn endurkjörinn formaður Hallveigar Það logaði glatt í Bergþórshvoli á Njáluhátíð í Rangárþingi Skiptar skoðanir um stækkun Þjóðleikhússins Myndskeið af rallýslysi, sjálfstæð Úkraína og brennan á Bergþórshvoli Sjá meira
Viðhorf ráðherranna til bandalagsins er mjög ólíkt en Katrín hefur margsinnis gefið það út að hún vilji ekki að Ísland sé meðlimur þess. Guðlaugur Þór er hins vegar einlægur talsmaður þess að Ísland sé í NATO. Katrín með sömu áherslur og síðast Fundurinn virðist hafa verið nokkuð hefðbundinn í dag og breyttust áherslur Katrínar lítið sem ekkert milli ára. Hún lagði þannig áherslu á loftslagsmál og afvopnunarmál í ár rétt eins og á síðasta leiðtogafundi bandalagsins. Tillögur Jens Stoltenbergs, framkvæmdastjóra NATO, voru til umfjöllunar á fundinum í dag en þær eiga að miða að því að gera bandalagið betur í stakk búið til að takast á við „öryggisáskoranir og -ógnir“ á næstu árum. Vísir náði ekki tali af Katrínu í kvöld en í tilkynningu frá forsætisráðuneytinu er vísað í orð hennar: „Stoltenberg leggur til breiðari nálgun á öryggismál, áherslu á þær ógnir sem fylgja loftslagsbreytingum og mikilvægi þess að takast á við þær. Sömuleiðis leggur hann ríka áherslu á viðnámsþol ríkjanna og á að standa vörð um alþjóðakerfið. Á fundinum í dag var rík samstaða um þessar áherslur. Í innleggi mínu lagði ég sérstaka áherslu á loftslagsvána og mikilvægi þess að við náum árangri í afvopnunarmálum.“ Í sömu tilkynningu er svo haft eftir Guðlaugi Þór: „Mikil samstaða er um að ríkin þétti raðirnar og mæti þeim öryggisáskorunum sem við stöndum frammi fyrir í sameiningu. Þessi samstaða og eindregin skilaboð frá nýjum stjórnvöldum vestanhafs um stuðning þeirra við Atlantshafstengslin eru að mínu mati mikilvægustu skilaboðin af fundinum,“ er haft eftir honum í tilkynningu. Þessar stuttu yfirlýsingar sem ráðherrarnir tveir láta hafa eftir sér eftir fundinn draga kannski misjafnt viðhorf þeirra til bandalagsins ágætlega fram. Katrín leggur áherslu á tillögur Stoltenbergs um aðgerðir í loftslagsmálum, viðnámsþol ríkjanna og að standa vörð um alþjóðakerfið á meðan Guðlaugi Þór finnst stuðningur Bandaríkjanna og þétt samstaða aðildarríkja um að mæta ógn á öryggi sem þau standa frammi fyrir mikilvægustu skilaboð fundarins. Vilja halda yfirburðum sínum Hernaðaruppbygging Rússa og vaxandi umsvif Kínverja á alþjóðavettvangi virðast eitt helsta áhyggjuefni leiðtoga bandalagsins og voru þessi atriði til umræðu í dag. Í tillögum Stoltenbergs er til dæmis lögð áhersla á að tæknilegu forskoti aðildarríkjanna sé viðhaldið. Leiðtogarnir sem sóttu fundinn. Katrín og Guðlaugur standa lengst til hægri á myndinni fyrir aftan Boris Johnson, forsætisráðherra Bretlands.stjórnarráðið Biden boðar nýja tíma Fundurinn í dag var sá fyrsti sem Joe Biden Bandaríkjaforseti tekur þátt í eftir að hann tók við embætti. Svo virðist sem sú togstreita sem einkenndi samskipti Bandaríkjanna við bandalagið í stjórnartíð Donald Trump heyri sögunni til en hann krafðist þess að aðildarríkin ykju framlög sín til her- og varnarmála. Þessa viðhorfsbreytingu Bandaríkjamanna telur Guðlaugur Þór að standi upp úr eftir fundinn. Katrín átti svo einnig tvíhliða fundi með Janez Jansa, forsætisráðherra Slóveníu, Kaju Kallas, forsætisráðherra Eistlands og með Ursulu von den Leyen, forseta framkvæmdastjórnar ESB. Guðlaugur fundaði þá með Sigrid Kaag, utanríkisráðherra Hollands.
NATO Ríkisstjórn Katrínar Jakobsdóttur Utanríkismál Hernaður Loftslagsmál Mest lesið Vön því að hringja í fullorðna karlmenn á fölskum forsendum Innlent Játa frelsisviptingu og rán en hafna manndrápi Innlent Aldrei kynnst neinum sem harkaði jafnmikið af sér Innlent „Ég er fimmtíu kíló, ég get ekki stoppað hann“ Innlent „Hann var hræddur, eiginlega alveg skíthræddur“ Innlent Tilgangurinn að ná í „easy money“ Innlent Yfirmaður heraflans er á móti hernámi og vill semja Erlent „Tesla er ekki málið til að standa í svona“ Innlent Hækkar frítekjumark vegna hækkunar örorkulífeyris Innlent Hættir hjá borgarstjóra og aðstoðar nú ráðherra Innlent Fleiri fréttir Loka Bröttubrekku í tvo daga „Tesla er ekki málið til að standa í svona“ Minntust Jesse í Vesturbænum: „Það er mikill söknuður af virkilega góðum dreng“ Skýr mynd dregin upp í dómsal og minningarstund Hækkar frítekjumark vegna hækkunar örorkulífeyris „Hann var hræddur, eiginlega alveg skíthræddur“ Kjaraviðræður Sinfó „stefni í rétta átt“ Stöðupróf verði skylda í öllum skólum strax í vor „Ég er fimmtíu kíló, ég get ekki stoppað hann“ Núverandi staða ekki talin vera alvarleg Vön því að hringja í fullorðna karlmenn á fölskum forsendum Opna Vesturbæjarlaug á morgun en Sundhallargestir þurfa að bíða Tilgangurinn að ná í „easy money“ Jökulhlaupið í rénun Í beinni frá héraðsdómi, unglingadrykkja og áheitakóngur Aldrei kynnst neinum sem harkaði jafnmikið af sér Hættir sem ritstjóri Kveiks Hættir hjá borgarstjóra og aðstoðar nú ráðherra Meirihluti hefur áhyggjur af laxastofninum nema í fjörðunum Jóhann tekur við af Gunnari hjá Landssambandi veiðifélaga Skýrslur teknar af tíu börnum undir sex ára á síðustu 20 árum Lögregla kölluð til vegna einstaklinga sem tjölduðu í skógarrjóðri Betra að borga tryggingarnar en að sitja uppi með allsherjartjón Játa frelsisviptingu og rán en hafna manndrápi Metaðsókn og söfnunarmet slegið 13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Steindór Örn endurkjörinn formaður Hallveigar Það logaði glatt í Bergþórshvoli á Njáluhátíð í Rangárþingi Skiptar skoðanir um stækkun Þjóðleikhússins Myndskeið af rallýslysi, sjálfstæð Úkraína og brennan á Bergþórshvoli Sjá meira