Bein útsending: Forseti Íslands afhendir verðlaun í Ullarþoni

Ullarþon er samstarfsverkefni Textílmiðstöðvar Íslands og Nýsköpunarmiðstöðvar Íslands. Fyrsti liður Ullarþonsins var haldin var 25. - 29. mars. Verkefnið er styrkt af Framleiðnisjóði Landbúnaðarins. 

Markmið var að finna leiðir til að auka verðmæti verðminnstu ullarflokkana með tilliti til hringrásarhagkerfisins, þá sérstaklega með verðminnstu ullarflokkana. 

Þátttakendur voru yfir eitt hundrað manns sem skiluðu inn 63 lausnum í fjórum keppnisflokkum.1. Þróun á vinnslu textíls úr óunninni ull, 2. Blöndun annarra hráefna við ull, 3. Ný afurð 4. Stafrænar lausnir og rekjanleiki. 

„Dómurum reyndist mjög erfitt að velja úr þeim glæsilegu hugmyndum sem bárust. Magnað hversu gróskan er mikil í nýsköpun um að auka verðgildi ullarinnar,“ segir í tilkynningu um verðlaunin. 

Hægt verður að horfa á beina útsendingu frá viðburðinum í spilaranum hér fyrir neðan klukkan 17.05 í dag. 

Textílmiðstöð Íslands stendur fyrir tveimur viðburðum á HönnunarMars 2021, afhending verðlauna í Ullarþoninu og formleg opnun TextílLabs á Blönduósi.

TextílLab er á vegum Textílmiðstöðvar Ísland og það fyrsta sinnar tegundar á Íslandi. Það er staðsett á Blönduósi og gefur hönnuðum, frumkvöðlum, listafólki og nemendum aðgengi að stafrænni tækni til rannsókna, þróunar og nýsköpunar. Góðir rannsóknarinnviðir munu flýta fyrir innleiðingu nýrrar tækni í textíl á Íslandi, og stórauka tækifæri til rannsókna, hönnun og framleiðslu nýrra vara, s.s. úr íslenskri ull.

Verkefni hlaut uppbyggingarstyrk frá Innviðasjóði og er hluti af alþjóðlegu verkefni CENTRINNO sem Textílmiðstöð tekur þátt í, styrkt af Horizon2020 rannsóknaráætlun ESB.

Eftir formlegri opnunina ,21.maí frá 14 til 20, er opið hús og sýniskennsla fyrir gestir. Þeir sem ekki geta mætt á staðinn geta kynnt sér TextílLabið á samfélagsmiðlum.