Íslenski boltinn

Guðmundur snýr heim í Safamýrina

Valur Páll Eiríksson skrifar
Guðmundur var markahæstur í Lengjudeildinni síðast þegar hann lék með Frömurum.
Guðmundur var markahæstur í Lengjudeildinni síðast þegar hann lék með Frömurum. Heimasíða Fram

Framherjinn Guðmundur Magnússon hefur gengið í raðir uppeldisfélags síns Fram og mun því leika í Safamýrinni í Lengjudeild karla í sumar. Fram hefur leik í deildinni gegn gömlum félögum Guðmundar.

Guðmundur lék með Grindavík síðasta sumar þar sem hann skoraði sex mörk í 14 leikjum í Lengjudeildinni. Guðmundur sleit samningi sínum við Grindavík á dögunum og hefur nú samið við Framara.

Síðast lék Guðmundur með Frömurum sumarið 2018 og var þá markahæstur í næst efstu deild með 18 mörk. Hann samdi við ÍBV í kjölfarið þar sem hann skoraði aðeins eitt mark í 10 leikjum í Pepsi Max-deildinni. Eyjamenn lánuðu hann um mitt sumarið til Víkings í Ólafsvík áður en leið hans lá til Grindavíkur.

Fyrrum samherjar Guðmundar frá Ólafsvík verða einmitt fyrsti mótherji Fram þegar Lengjudeildin hefur göngu sína þann 8. maí næst komandi. Framarar voru grátlega nálægt því að komast upp úr deildinni í fyrra en Leiknir Reykjavík fór upp á þeirra kostnað vegna betri markatölu.

Lengjudeildin Fram

Mest lesið


Fleiri fréttir

Sjá meira


×

Mest lesið