Flott opnun í Leirá

Veiðisumarið 2021 hófst 1. apríl og eru fréttir farnar að berast af veiðisvæðum víða um land en mest er veitt af sjóbirting þessa fyrstu daga.

Leirá er yfirleitt mjög lítil en og nett en fyrstu dagana á vorin er hún þó vatnsmeiri og þegar miklar rigningar hafa gengið yfir hækkar meira í ánni og það er einmitt það sem veiðimenn vilja. Veiði hófst í Leirá 1. apríl eins og víða og það er gekk vonum framar og bera veiðitölur merki um að áinn sé í góðri sókn.

Bara á fyrstu vakt komu 20 birtingar á land og þar af einn 90 sm sem er líklega einn sá stærsti sem við höfum heyrt af úr Leirá fyrr og síðar. Fyrir nokkrum árum var sett á sú regla að öllum fiski skyldi sleppa aftur og það er greinilega að hafa góð áhrif því bæði er meira af fiski í henni en menn muna eftir sem og að hann er stærri. 

Sala veiðileyfa hefur verið frábær í Leirá og er svo komið að okkur skilst að apríl sé gott sem uppseldur en einhverjir örfáir dagar séu eftir í maí.