Segir Luke Shaw hafa tekið fram úr Andy Robert­son

Robertson hefur verið besti bakvörður enska boltans síðustu ár og hjálpaði Liverpool að verða meistari á síðustu leiktíð í fyrsta sinn í þrjátíu ár.

En nú segir Hargreaves, sem er spekingur BT Sport og fyrrum enskur landsliðsmaður, að Luke Shaw hafi tekið fram úr Robertson í baráttunni um besta bakvörð Premier League.

„Hann er besti vinstri bakvörðurinn í landinu,“ sagði Hargreaves í útsendingu BT Sport eftir leik AC Milan og Manchester United í Evrópudeildinni í gær.

„Á síðasta ári var það Andy Robertson en nú er það Luke Shaw. Ef hann er heill og í standi, þá er hann einn af þeim bestu og hann hefur sýnt það.“

„Þetta hefur verið Luke Shaw og Bruno Fernandes að skipta á milli sín hver er leikmaður mánaðarins.“

„Shaw hefur verið stórkostlegur. Þegar Bruno á rólegan dag þá hefur Shaw sigið upp. Síðustu sex vikur hefur hann verið frábær.“