Jón Degi og fé­lögum tókst ekki að jafna topp­liðin að stigum

Jón Dagur var á sínum stað í byrjunarliði AGF en hann lék á vinstri væng liðsins í kvöld. Jón var tekinn af velli á 83. mínútu en allt kom fyrir ekki og AGF tókst ekki að finna glufur á vörn heimamanna.

Eftir 0-0 jafntefli kvöldsins er AGF með 25 stig í 4. sæti dönsku úrvalsdeildarinnar. Bröndby og Midtjylland eru eins og áður sagði á toppnum með 27 stig hvort. Bæði lið eiga leik til góða á AGF. Þá er Randers í 3. sæti deildarinnar með 25 stig en betri markatölu en AGF.

Randers vann 3-0 sigur á AC Horsens í kvöld. Ágúst Eðvald Hlynsson lék síðustu átján mínúturnar í liði Horsens. Ágúst Eðvald og félagar eru sem stendur í 11. sæti, eða því næst neðsta, með aðeins sex stig.