Innlent

Lögregla leitar tveggja manna

Kristín Ólafsdóttir skrifar
Mennirnir sem lögregla leitar nú að.
Mennirnir sem lögregla leitar nú að. Lögreglan

Lögreglan á höfuðborgarsvæðinu óskar eftir að ná tali af mönnunum sem sjást á meðfylgjandi mynd vegna máls sem er til rannsóknar hjá embættinu. Mennirnir eru vinsamlegast beðnir um að hafa samband við lögreglu í síma 444-1000.

„Þótt myndin sé óskýr má ætla að einhverjir geti borið kennsl á mennina,“ segir í tilkynningu lögreglu. Ekki eru gefnar upplýsingar um málið sem mennirnir tengjast.

„Ef einhverjir þekkja til mannanna, eða vita hvar þá er að finna, eru hinir sömu einnig vinsamlegast beðnir um að hringja í lögregluna, en upplýsingum má jafnframt koma á framfæri í tölvupósti á netfangið abending@lrh.is eða í einkaskilaboðum á fésbókarsíðu Lögreglunnar á höfuðborgarsvæðinu,“ segir í tilkynningu.

Lögreglumál

Mest lesið


Fleiri fréttir

Sjá meira


×

Mest lesið