Eig­endum Tiger King dýra­garðsins gert að af­henda tígris­hvolpana

BBC segir frá því að mál hafi verið höfðað gegn eigendum Greater Wynnewood Exotic Animal Park, þeim Jeff og Lauren Lowe, sem sökuð eru um að hafa brotið gegn lögum um dýravelferð og dýr í útrýmingarhættu.

Jeff Lowe er fyrrverandi viðskiptafélagi Joe Exotic sem nú afplánar 22 ára fangelsisdóm fyrir hafa ráðið mann til að drepa konu, Carole Baskin, og sömuleiðis brot á lögum um dýravelferð.

Talsmaður yfirvalda segir að hjónin Lowe hafi brotið stórkostlega gegn lögunum sem ætlað er að tryggja velferð dýranna. Dómari tók undir sjónvarmið yfirvalda, en í dómsorðum kom fram að bágar aðstæður hafi leitt til dauða að minnsta kosti tveggja hvolpa.

Jeff og Lauren Lowe komu bæði fram í þáttunum Tiger King á Netflix sem nutu mikilla vinsælda.

Joe Exotic og aðdáendur hans höfðu vonast eftir að Donald Trump, fráfarandi Bandaríkjaforseti myndi náða Joe Exotic á síðustu dögum sínum í embætti, en svo virðist ekki ætla að vera raunin.