Dagskráin í dag: Pílan í beinni, landsliðsþjálfarinn í hestunum og Gummi fær góða gesti

Beinum útsendingu frá íþróttaviðburðum hefur snarfækkað vegna útbreiðslu kórónuveirunnar eins og gefur að skilja. Til að mæta því hafa Stöð 2 Sport og hliðarrásir verið dagskrársettar með nýju dagskrárefni og endursýningum af safnefni til að stytta íþróttaþyrstum stundirnar.

Hjörvar Hafliðason og Íslandsmeistarinn margfaldi, Sigurvin Ólafsson, verða gestir Gumma Ben í kvöld og þeir munu ræða um heima og geima í fótboltanum. Auk þess má finna alls kyns þætti á Stöð 2 Sport í dag; eins og viðtalsþætti La Liga á tímum kórónuveirunnar, Gym með Birnu, hestalífið með Guðmundi Guðmundssyni og svo margt, margt fleira.

Stöð 2 Sport 2

Mögnuð úrslitarimma KR um Íslandsmeistaratitilinn í körfubolta vorið 2019 og bein útsending frá sérstakri keppni bestu pílukastara heims á vegum PDC pílusambandsins. Allir keppendur mótsins eru á sínu heimili og streyma beint frá sinni eigin keppni en þetta er brot af því sem má finna á Stöð 2 Sport 2 í dag.

Stöð 2 Sport 3

Körfubolti og handbolti er á Stöð 2 Sport 3 í dag. Úrslitaeinvígi Fram og Vals vorið 2018 í Olís-deild kvenna sem og úrslitaeinvígi Hauka og Selfyssinga í Olís-deild karla árið eftir má finna á Sport 3 í dag sem og útsendingu frá leik þrjú á milli Stjörnunnar og Keflavíkur í 8 liða úrslitum Dominos deildar karla í körfubolta 2014.

Stöð 2 eSport

Kappreið Víkinganna, landsleikir í eFótbolta, GT kappakstur og Lenovo-deildin er á rafíþróttastöð í dag.

Stöð 2 Golf

Við höldum áfram að sýna okkur sígilt golf efni. Einvígið á Nesinu 2007 var frábært einvígi en það verður sýnt á Stöð 2 Golf í dag. Skemmtilegur þáttur þar sem David Feherty heimsækir spænska kylfinginn Sergio Garcia og útsending frá lokadegi Mexico Championship á Heimsmótaröðinni má einnig finna á Stöð 2 Golf.

Allar útsendingar dagsins og næstu daga má finna á vefsíðu Stöðvar 2.