Berg­lind Björg og Anna Björk með kórónu­veiruna

Þegar í ljós kom að hvorug landsliðskonan var í liði Le Havre í dag var ljóst að eitthvað skrítið var í gangi. Vísir spurðist fyrir og fékk það staðfest að íslensku landsliðskonurnar væru báðar með Covid-19 og þar af leiðandi ekki með liðinu í dag.

Berglind Björg skaut Íslandi á EM í Englandi sumarið 2022 nýverið með frábæru marki í 1-0 sigri á Ungverjalandi ytra. 

Íslensku landsliðskonurnar hafa spilað stórt hlutverk hjá liðinu þó ekki hafi gengið sem skildi til þessa. Anna Björk hefur til að mynda borið fyrirliðaband liðsins undanfarið.

Le Havre er sem stendur að tapa 5-0 fyrir toppliði Paris Saint-Germain, Liðið er á botni frönsku úrvalsdeildarinnar með fjögur stig að loknum 11 umferðum.