Fótbolti

Sara Björk spilaði allan leikinn er Lyon skoraði níu

Runólfur Trausti Þórhallsson skrifar
Sara Björk Gunnarsdóttir í leik gegn PSG.
Sara Björk Gunnarsdóttir í leik gegn PSG. VÍSIR/GETTY

Sara Björk Gunnarsdóttir spilaði allan leikinn á miðri miðju Lyon er liðið vann þægilegan 9-0 sigur í frönsku úrvalsdeildinni í dag.

Lyon tók á móti Issy-Les-Moulineaux í dag og segja má að leikurinn hafi verið einstefna frá upphafi til enda. Lyon var 7-0 yfir í hálfleik en hvíldi sig í þeim síðari og skoraði aðeins tvívegis þá.

Nikita Parris gerði sér lítið fyrir og skoraði fernu, Amel Majri gerði þrennu sem og þær Janice Cayman og Delphine Cascarino skoruðu sitt hvort markið. 

Lyon er sem stendur með fimm stiga forystu á Paris Saint-Germain á toppi deildarinnar en Parísarliðið á hins vegar tvo leiki til góða. 

Fótbolti Franski boltinn

Tengdar fréttir

Sara Björk knatt­spyrnu­kona ársins

KSÍ tilkynnti í gær að Sara Björk Gunnarsdóttir væri knattspyrnukona ársins 2020. Sjötta árið í röð. Sveindís Jane Jónsdóttir og Glódís Perla Viggósdóttir komu þar á eftir í valinu að þessu sinni.

Mest lesið


Fleiri fréttir

Sjá meira


×

Mest lesið