Lyf og heilsa kaupir Garðs apótek

Samningurinn er með þeim fyrirvara að leyfi Samkeppniseftirlits fáist fyrir kaupunum.

Þetta kemur fram í tilkynningu þar sem haft er eftir Hauki að það sé kominn tími til að breyta til eftir fjórtán ár í starfinu . Segir hann að Lyf og heilsa sé rétti aðilinn til að taka við apótekinu og þjónusta viðskiptavinina áfram.

Garðs apótek hefur verið starfrækt frá árinu 1956 og var fyrst til húsa að Hólmgarði 34, þaðan sem apótekið dregur nafn sitt, en flutti síðar að Sogavegi 108 þar sem það er nú staðsett.

„Stofnandi og fyrsti lyfsali Garðs Apóteks var Mogens A. Mogensen og rak hann apótekið til loka árs 1984 er Örn Ævarr Markússon tók við og var lyfsali til loka árs 1997. Jón R. Sveinsson tók þá við apótekinu og rak apótekið til 1. ágúst 2006 er núverandi apótekari Haukur Ingason keypti apótekið og tók við lyfsöluleyfinu,“ segir í tilkynningunni.

Lyf og heilsa rekur um þrjátíu apótek, ýmist undir nafni Lyfs og heilsu eða Apótekarans.