Stofnuðu félag til að berjast gegn einelti Hallgerður Kolbrún E. Jónsdóttir skrifar 7. nóvember 2020 16:09 Krakkarnir sem stofnuðu Einelti er ógeðslegt (frá aftari röð frá vinstri): Vilhjálmur Árni, Hilmar Ingi, Eydís Anna, Sara Fanný og Óðinn Kári. Aðsend Nemendur í sjöunda bekk í Hörðuvallaskóla í Kópavogi hafa stofnað félagið Einelti er ógeðslegt og ætla þau að senda frá sér fræðslumyndbönd sem fjalla um einelti og vináttu. Þá ætla þau að hittast rafrænt, fara í leiki og spjalla. Fimm nemendur standa að verkefninu og er markmið þeirra, samkvæmt tilkynningu sem þau sendu frá sér, að fræðast um einelti með það að leiðarljósi að útrýma því, hjálpa þeim sem líður illa og skemmta sér saman. Fyrsti hittingur krakkanna verður á morgun, sunnudag, og verður hittingurinn haldinn í gegn um Google Meet frá tólf á hádegi til eitt. Hægt er að nálgast hittinginn hér. „Markmiðið er að hafa stað fyrir krakka sem kannski líður ekki vel eða vilja bara fá félagsskap og koma saman. Hugsunin var að hafa klúbbinn og leyfa krökkum að koma og vera með leiki en þau ætla að gera þetta rafrænt,“ segir Birta Rún Jóhannsdóttir umsjónarkennari krakkanna. Hún segir þetta sérstaklega mikilvægt nú á tímum Covid þegar krakkar eru mikið heima og félagsleg einangrun er farin að kræla á sér. Tilgangurinn að hjálpa eins mörgum krökkum og hægt er Krakkarnir sem stofnuðu félagið, þau Hilmar Ingi Bernharðsson, Óðinn Kári Stefánsson, Eydís Anna Ingimarsdóttir, Sara Fanný Ingimarsdóttir og Vilhjálmur Árni Sigurðsson segjast vonast til að sem flestir krakkar gangi í félagið. Allir séu velkomnir, sama úr hvaða skóla þau komi. Krakkarnir segjast vona að sem flestir mæti á hittinginn sem haldinn verður í gegn um fjarfundabúnað á hádegi á morgun.Aðsend „Það er hugmynd sem ég fékk þegar ég sat heima hjá mér og hefði ekki getað þetta án vina minna,“ segir Hilmar Ingi. Þau segjast mjög spennt fyrir fyrsta hittingnum, sem verður á morgun eins og áður segir, og vonast til að margir komi á hann. Tilgangurinn sé að hjálpa eins mörgum krökkum og hægt er og reyna að „láta þau gleyma þessum leiðindum sem þau lentu í.“ Þegar blaðamaður hringdi í hópinn voru þeir Hilmar, Vilhjálmur og Óðinn saman í símanum en stelpurnar gátu ekki stokkið til með svo stuttum fyrirvara sögðu þeir. „Ég skil vel hvernig þeim líður“ Vilhjálmur, Hilmar og Óðinn segja ekki mikið um einelti í sínum skóla en nokkuð sé samt um stríðni. „Það er ekkert afar mikið um einelti í okkar skóla en það er mikið um stríðni, stríðni inn á við. Það var mjög mikið,“ segir Vilhjálmur. Strákarnir segjast allir þrír hafa lent í einelti á skólagöngu sinni en þeim dögum sé nú lokið. „Ekki jafn slæmt [einelti] og margir aðrir hafa lent í en ég skil mjög vel hvernig þeim líður,“ segir Hilmar. Birta fræðslumyndbönd sem þau gera sjálf Krakkarnir eru byrjaðir að birta fræðslumyndbönd um einelti á YouTube-rás sem þau stofnuðu fyrir félagið. Þau taka myndböndin sjálf upp, þó þeim hafi boðist hjálp frá foreldrum. Þau geti gert þetta hjálparlaust. „Við erum að taka þau upp, Óðinn er að hjálpa okkur og við erum sjálf að leika í þeim,“ segir Hilmar. „Við byrjuðum fyrir svona tveimur, þremur dögum á YouTube, þannig að þau eru ekki afar mörg en þau eru nokkur,“ segir Óðinn. Þau eru búin að undirbúa hittinginn á morgun, leiki og fjör. „Eydís og Sara eru komnar með nokkra leiki sem hægt er að leika í gegn um tölvu, þær eru hinir félagarnir okkar. Við hefðum ekki getað þetta án þeirra,“ segir Óðinn. Þeir segjast vonast til þess að geta kynnst fleiri krökkum úr öðrum skólum. „Ég held að við komumst alveg langt,“ segir Óðinn. „Við ætluðum að reyna að byrja með klúbbinn í okkar skóla og svo reyna að ná til annarra skóla. Með YouTube-rásinni og Google Meets erum við að reyna að ná til annarra skóla. „Allavega einn“ skrái sig í félagið Þegar þarna var komið sögu bættust stelpurnar, þær Eydís og Sara, í hópinn. Vilhjálmur kallaði í símann: „Bíddu! Stelpurnar eru komnar, viltu ekki spyrja þær einhverra spurninga?“ Blaðamaður sló ekki hendinni við því tækifæri og stelpurnar sögðu frá hvaða leiki verði farið í á morgun. „Við ætluðum fyrst að tala saman og síðan ætlum við að fara í nafnaleik og síðan bara kannski Frúna í Hamborg,,“ segir Eydís. „Og fullt af leikjum sem er hægt að fara í í gegn um tölvu,“ skýtur Hilmar inn í. Hvað haldi þið að margir krakkar vilji taka þátt í félaginu? „Við erum ekki viss en ég held að það muni alveg vera nokkuð margir,“ segir Eydís. „Allavega einn!“ kallar Sara. „Ég held að það verði fjórir af því að kennararnir okkar ætla að mæta. En ég vona að það verði margir,“ segir Vilhjálmur. Þau vonast samt til að sem flestir krakkar gangi í félagið. Börn og uppeldi Skóla - og menntamál Samkomubann á Íslandi Kópavogur Krakkar Mest lesið „Verið ekki að sjúga lítil typpi því þið verðið hrukkóttar“ Lífið Lovísa Rós er Ungfrú Ísland Teen Lífið „Nú dýrka ég að vera vaxin eins og fæðing Venusar“ Tíska og hönnun „Ég hef ekki trú á öðru en að við lifum þetta af“ Bíó og sjónvarp Heitasta listapar landsins á djamminu Lífið „Pylsusala“ á Lækjartorgi á kvennafrídaginn Lífið Furðuleg forréttindablinda Gagnrýni Sveinn Andri og María Sigrún mættu á frumsýninguna Lífið Ása og Leo héldu tvöfalda skírnarveislu Lífið „Yngsti „self made“ milljónamæringur undir þrítugu“ Lífið Fleiri fréttir Ása og Leo héldu tvöfalda skírnarveislu Tróð matnum upp í sig til að reyna fá andstæðinga sína til að hlæja „Verið ekki að sjúga lítil typpi því þið verðið hrukkóttar“ „Pylsusala“ á Lækjartorgi á kvennafrídaginn Lovísa Rós er Ungfrú Ísland Teen Gerðið verði besti staðurinn nálægt borginni til að skoða stjörnur Heitasta listapar landsins á djamminu „Er ekki hrædd við að vera ég sjálf“ Sveinn Andri og María Sigrún mættu á frumsýninguna „Sextán ára stelpa hefur lítið að gera við svona háa upphæð“ Sýna(r)brjóstin, sýna stuðning Brjánn ávarpaði alla áhorfendur leiksins rétt fyrir upphafsflautið Innlit í þriggja hæða veitingastaðinn Bryggjuhúsið sem er í húsi frá 1863 Björgvin Franz kaupir 36 fermetra íbúð í miðbænum Innlit: „Ég bý í draumahúsinu“ „Gerði grín að líkamanum mínum og sagði að ég ætti að tala minna“ Óttast að hann sé fyrsta fórnarlamb flugunnar Fögnuðu fallegri og óvæntri vináttu Svikarar höfðu fjórar milljónir af Aroni Can „Setti sjálfa mig í fyrsta sæti og hef aldrei verið hamingjusamari“ Hvetur hávaxnar stelpur til að vera stoltar af hæð sinni Stjörnulífið: „Bið ekki um meira“ „Við María eigum rosalega fallegt samband og erum þakklát hvort fyrir annað“ Nóa-Siríus fjölskyldan fyrrverandi selur súkkulaðihöll Fær ógeðistilfinningu eftir fullnægingu Hugleiki Dagssyni hent út af Facebook Áhrifavaldur greiddi sextán milljónir fyrir auglýsingar á samfélagsmiðlum: „Hvar eru allir peningarnir?” Íslenska stelpan sem eltir drauminn í Los Angeles Sam Rivers úr Limp Bizkit látinn Krakkatían: IKEA-geitin, októberfest og reikistjarna Sjá meira
Nemendur í sjöunda bekk í Hörðuvallaskóla í Kópavogi hafa stofnað félagið Einelti er ógeðslegt og ætla þau að senda frá sér fræðslumyndbönd sem fjalla um einelti og vináttu. Þá ætla þau að hittast rafrænt, fara í leiki og spjalla. Fimm nemendur standa að verkefninu og er markmið þeirra, samkvæmt tilkynningu sem þau sendu frá sér, að fræðast um einelti með það að leiðarljósi að útrýma því, hjálpa þeim sem líður illa og skemmta sér saman. Fyrsti hittingur krakkanna verður á morgun, sunnudag, og verður hittingurinn haldinn í gegn um Google Meet frá tólf á hádegi til eitt. Hægt er að nálgast hittinginn hér. „Markmiðið er að hafa stað fyrir krakka sem kannski líður ekki vel eða vilja bara fá félagsskap og koma saman. Hugsunin var að hafa klúbbinn og leyfa krökkum að koma og vera með leiki en þau ætla að gera þetta rafrænt,“ segir Birta Rún Jóhannsdóttir umsjónarkennari krakkanna. Hún segir þetta sérstaklega mikilvægt nú á tímum Covid þegar krakkar eru mikið heima og félagsleg einangrun er farin að kræla á sér. Tilgangurinn að hjálpa eins mörgum krökkum og hægt er Krakkarnir sem stofnuðu félagið, þau Hilmar Ingi Bernharðsson, Óðinn Kári Stefánsson, Eydís Anna Ingimarsdóttir, Sara Fanný Ingimarsdóttir og Vilhjálmur Árni Sigurðsson segjast vonast til að sem flestir krakkar gangi í félagið. Allir séu velkomnir, sama úr hvaða skóla þau komi. Krakkarnir segjast vona að sem flestir mæti á hittinginn sem haldinn verður í gegn um fjarfundabúnað á hádegi á morgun.Aðsend „Það er hugmynd sem ég fékk þegar ég sat heima hjá mér og hefði ekki getað þetta án vina minna,“ segir Hilmar Ingi. Þau segjast mjög spennt fyrir fyrsta hittingnum, sem verður á morgun eins og áður segir, og vonast til að margir komi á hann. Tilgangurinn sé að hjálpa eins mörgum krökkum og hægt er og reyna að „láta þau gleyma þessum leiðindum sem þau lentu í.“ Þegar blaðamaður hringdi í hópinn voru þeir Hilmar, Vilhjálmur og Óðinn saman í símanum en stelpurnar gátu ekki stokkið til með svo stuttum fyrirvara sögðu þeir. „Ég skil vel hvernig þeim líður“ Vilhjálmur, Hilmar og Óðinn segja ekki mikið um einelti í sínum skóla en nokkuð sé samt um stríðni. „Það er ekkert afar mikið um einelti í okkar skóla en það er mikið um stríðni, stríðni inn á við. Það var mjög mikið,“ segir Vilhjálmur. Strákarnir segjast allir þrír hafa lent í einelti á skólagöngu sinni en þeim dögum sé nú lokið. „Ekki jafn slæmt [einelti] og margir aðrir hafa lent í en ég skil mjög vel hvernig þeim líður,“ segir Hilmar. Birta fræðslumyndbönd sem þau gera sjálf Krakkarnir eru byrjaðir að birta fræðslumyndbönd um einelti á YouTube-rás sem þau stofnuðu fyrir félagið. Þau taka myndböndin sjálf upp, þó þeim hafi boðist hjálp frá foreldrum. Þau geti gert þetta hjálparlaust. „Við erum að taka þau upp, Óðinn er að hjálpa okkur og við erum sjálf að leika í þeim,“ segir Hilmar. „Við byrjuðum fyrir svona tveimur, þremur dögum á YouTube, þannig að þau eru ekki afar mörg en þau eru nokkur,“ segir Óðinn. Þau eru búin að undirbúa hittinginn á morgun, leiki og fjör. „Eydís og Sara eru komnar með nokkra leiki sem hægt er að leika í gegn um tölvu, þær eru hinir félagarnir okkar. Við hefðum ekki getað þetta án þeirra,“ segir Óðinn. Þeir segjast vonast til þess að geta kynnst fleiri krökkum úr öðrum skólum. „Ég held að við komumst alveg langt,“ segir Óðinn. „Við ætluðum að reyna að byrja með klúbbinn í okkar skóla og svo reyna að ná til annarra skóla. Með YouTube-rásinni og Google Meets erum við að reyna að ná til annarra skóla. „Allavega einn“ skrái sig í félagið Þegar þarna var komið sögu bættust stelpurnar, þær Eydís og Sara, í hópinn. Vilhjálmur kallaði í símann: „Bíddu! Stelpurnar eru komnar, viltu ekki spyrja þær einhverra spurninga?“ Blaðamaður sló ekki hendinni við því tækifæri og stelpurnar sögðu frá hvaða leiki verði farið í á morgun. „Við ætluðum fyrst að tala saman og síðan ætlum við að fara í nafnaleik og síðan bara kannski Frúna í Hamborg,,“ segir Eydís. „Og fullt af leikjum sem er hægt að fara í í gegn um tölvu,“ skýtur Hilmar inn í. Hvað haldi þið að margir krakkar vilji taka þátt í félaginu? „Við erum ekki viss en ég held að það muni alveg vera nokkuð margir,“ segir Eydís. „Allavega einn!“ kallar Sara. „Ég held að það verði fjórir af því að kennararnir okkar ætla að mæta. En ég vona að það verði margir,“ segir Vilhjálmur. Þau vonast samt til að sem flestir krakkar gangi í félagið.
Börn og uppeldi Skóla - og menntamál Samkomubann á Íslandi Kópavogur Krakkar Mest lesið „Verið ekki að sjúga lítil typpi því þið verðið hrukkóttar“ Lífið Lovísa Rós er Ungfrú Ísland Teen Lífið „Nú dýrka ég að vera vaxin eins og fæðing Venusar“ Tíska og hönnun „Ég hef ekki trú á öðru en að við lifum þetta af“ Bíó og sjónvarp Heitasta listapar landsins á djamminu Lífið „Pylsusala“ á Lækjartorgi á kvennafrídaginn Lífið Furðuleg forréttindablinda Gagnrýni Sveinn Andri og María Sigrún mættu á frumsýninguna Lífið Ása og Leo héldu tvöfalda skírnarveislu Lífið „Yngsti „self made“ milljónamæringur undir þrítugu“ Lífið Fleiri fréttir Ása og Leo héldu tvöfalda skírnarveislu Tróð matnum upp í sig til að reyna fá andstæðinga sína til að hlæja „Verið ekki að sjúga lítil typpi því þið verðið hrukkóttar“ „Pylsusala“ á Lækjartorgi á kvennafrídaginn Lovísa Rós er Ungfrú Ísland Teen Gerðið verði besti staðurinn nálægt borginni til að skoða stjörnur Heitasta listapar landsins á djamminu „Er ekki hrædd við að vera ég sjálf“ Sveinn Andri og María Sigrún mættu á frumsýninguna „Sextán ára stelpa hefur lítið að gera við svona háa upphæð“ Sýna(r)brjóstin, sýna stuðning Brjánn ávarpaði alla áhorfendur leiksins rétt fyrir upphafsflautið Innlit í þriggja hæða veitingastaðinn Bryggjuhúsið sem er í húsi frá 1863 Björgvin Franz kaupir 36 fermetra íbúð í miðbænum Innlit: „Ég bý í draumahúsinu“ „Gerði grín að líkamanum mínum og sagði að ég ætti að tala minna“ Óttast að hann sé fyrsta fórnarlamb flugunnar Fögnuðu fallegri og óvæntri vináttu Svikarar höfðu fjórar milljónir af Aroni Can „Setti sjálfa mig í fyrsta sæti og hef aldrei verið hamingjusamari“ Hvetur hávaxnar stelpur til að vera stoltar af hæð sinni Stjörnulífið: „Bið ekki um meira“ „Við María eigum rosalega fallegt samband og erum þakklát hvort fyrir annað“ Nóa-Siríus fjölskyldan fyrrverandi selur súkkulaðihöll Fær ógeðistilfinningu eftir fullnægingu Hugleiki Dagssyni hent út af Facebook Áhrifavaldur greiddi sextán milljónir fyrir auglýsingar á samfélagsmiðlum: „Hvar eru allir peningarnir?” Íslenska stelpan sem eltir drauminn í Los Angeles Sam Rivers úr Limp Bizkit látinn Krakkatían: IKEA-geitin, októberfest og reikistjarna Sjá meira
Áhrifavaldur greiddi sextán milljónir fyrir auglýsingar á samfélagsmiðlum: „Hvar eru allir peningarnir?”