Bandaríski stórleikarinn Jeff Bridges hefur greint frá því að hann hafi greinst með eitlakrabbamein. Hann segir horfur á bata þó vera góðar.
Bridges greindi frá þessu á Twitter-síðu sinni í gærkvöldi. Bridges segist þar vita og viðurkenna að um „alvarlegan sjúkdóm“ væri að ræða og að hann sé í þann mund að hefja meðferð.
Eitlakrabbamein er tegund krabbameins sem ræðst á eitlakerfið sem er hluti af varnarkerfi líkamans.
As the Dude would say.. New S**T has come to light.
— Jeff Bridges (@TheJeffBridges) October 20, 2020
I have been diagnosed with Lymphoma. Although it is a serious disease, I feel fortunate that I have a great team of doctors and the prognosis is good.
I m starting treatment and will keep you posted on my recovery.
Hinn sjötugi Bridges er líklega þekktastur fyrir hlutverk sitt sem The Dude í myndinni The Big Lebowski, en hann vann til Óskarsverðlauna fyrir hlutverk sitt í myndinni Crazy Heart árið 2010.
Hann hefur einnig leikið í myndum á borð við The Last Picture Show, The Contender, The Fisher King og True Grit.