Níu félög skora á KSÍ að klára Íslandsmótið

Níu félög í Lengjudeild, 2. deild og 3. deild karla hafa sent frá sér yfirlýsingu þar sem þau skora á Knattspyrnusamband Íslands að klára Íslandsmótið.

Ekki hefur verið leikið á Íslandsmótinu frá 7. október vegna útbreiðslu kórónuveirufaraldursins. KSÍ hefur gefið sér frest til 1. desember til að ljúka Íslandsmótinu.

Í yfirlýsingu félaganna níu hvetja þau KSÍ til að klára Íslandsmótið svo allir njóti sanngjarnrar niðurstöðu. Jafnframt segir að knattspyrnuhreyfingin muni bera mikinn skaða af því ef eingöngu verður hlustað á raddir þeirra félaga sem haldi uppi áróðri um bestu niðurstöðu sinna félaga.

Þau níu félög sem skrifa undir yfirlýsinguna hafa öll mikinn hag að því að Íslandsmótið verði klárað en þau eiga annað hvort möguleika á að komast upp um deild eða á hættu að falla niður um deild.

Félögin sem skrifa undir yfirlýsinguna eru eftirfarandi: Álftanes, Fram, Haukar, Leiknir F., Magni, Njarðvík, Víðir, Vængir Júpíters og Þróttur V.

Yfirlýsing félaganna níu