Byrjunar­lið Eng­lands: Pic­kford heldur sæti sínu og Foden byrjar sinn fyrsta leik

Byrjunarlið Englands fyrir leikinn gegn Íslandi á Laugardalsvelli sem hefst nú klukkan 16:00 er komið í hús. Ákveðin óvissa er hvernig Gareth Southgate stillir liði sínu upp en samkvæmt vefsíðu Þjóðadeildarinnar stillir hann upp í 5-3-2 leikkerfi. 

Það verður þó að segjast að líklegra er að liðið verði í hefðbundnu 4-3-3 leikkerfi með þá Jadon Sancho og Raheem Sterling sitt hvoru megn við Harry Kane upp á topp. Þar fyrir aftan koma svo James Ward-Prowse og Phil Foden. Þá er Declan Rice eflaust sem akkeri á miðjunni á meðan þeir Kieran Trippier, Eric Dier, Joe Gomaz og Kyle Walker eru í öftustu línu.

Þá er Jordan Pickford í markinu.

Allir leikmenn Englands eru svo á varamannabekknum. Þar eru: Dean Henderson, Nick Pope, Conor Coady, Kalvin Phillips, Mason Mount, Trent Alexander-Arnold, Tyrone Mings, Michael Keane, Jack Grealish, Ainsley Maitland-Niles, Danny Ings og Mason Greenwood.