Mikael á­fram í Meistara­deildinni og grát­legt jafn­tefli í Rúss­landi

FC Midtjylland er komið áfram í 3. umferð forkeppni Meistaradeildarinnar eftir 1-0 sigur á Ludogorets Razgrad í Búlgaríu í dag.

Fyrsta og eina mark leiksins skoraði varamaðurinn Junior Brumado á 78. mínútu eftir darraðadans eftir hornspyrnu.

Mikael Anderson spilaði síðasta stundarfjórðunginn fyrir Midtjylland.

Hörður Björgvin Magnússon spilaði allan leikinn og Arnór Sigurðsson fyrstu 80 mínúturnar í 1-1 jafntefli CSKA Moskvu gegn Krasnodar.

CSKA komst yfir á 28. mínútu en tíu mínútum fyrir leikslok jafnaði Wanderson fyrir Krasnodar.

CSKA er með sjö stig eftir fyrstu fimm leikina en hefur einungis unnið tvo af fyrstu fimm leikjunum.