„Það losnaði aðeins um í seinni hálfleik. Þetta var svolítið stíft í þeim fyrri og lítið pláss. Spennustigið var frekar hátt eins og eðlilegt er,“ sagði Hlynur Bæringsson, fyrirliði Stjörnunnar, í samtali við Vísi eftir sigurinn á Grindavík í úrslitaleik Geysisbikar karla í dag.
Grindvíkingar voru ákveðnir í fyrri hálfleik eins og Hlynur átti von á.
„Auðvitað. Þeir höfðu engu að tapa og þjöppuðu sér saman. Þeir voru flottir á löngum köflum í dag,“ sagði Hlynur. „En það munaði um breiddina. Við vorum með ferskari fætur.“
Líkt og í undanúrslitaleiknum gegn Tindastóli á miðvikudaginn seig Stjarnan fram úr í seinni hálfleik.
„Það er mjög hættulegt að fara á taugum. Það er ekki eins og við séum það góðir. Við vorum á góðu skriði áður en við töpuðum fyrir Val en slátruðum ekkert öllum leikjum,“ sagði Hlynur.
„Núna eru fimm leikmenn sem geta skorað inn á í öllum liðum sem var ekki. Hjá Grindavík eru leikmenn sem geta spilað og skorað í öllum stöðum.“
En hvað gefur þessi titill Stjörnumenn fyrir framhaldið?
„Sáralítið, þannig séð. Þetta gefur okkur sjálfstraust en styttri hvíld en hin liðin. Við þurfum að halda að bæta okkur,“ sagði Hlynur að lokum.
Hlynur: Munaði um breiddina
Tengdar fréttir
Ægir: Markmiðið að vinna alla titla sem í boði eru
Besti leikmaður bikarúrslitaleiks karla var að vonum ánægður í leikslok.
Leik lokið: Grindavík - Stjarnan 75-89 | Stjörnumenn bikarmeistarar annað árið í röð
Eftir jafnan fyrri hálfleik seig Stjarnan fram úr í þeim seinni og landaði sigri. Stjörnumenn hafa fimm sinnum orðið bikarmeistarar í sögu félagsins.
