Umhverfisvænni matarpakkar og aukin þjónusta

Einn, tveir & elda hefur fjölgað afhendingarstöðum sínum á höfuðborgarsvæðinu en fyrirtækið býður upp á tilbúna matarpakka þar sem kaupandi getur sett saman sinn matseðil og valið úr tólf mismunandi réttum í hverri viku.

Einn, tveir & elda, sem er staðsett í Hafnarfirði, hefur nú opnað fyrir þann valmöguleika að viðskiptavinir geta nú sótt matarpakkann sinn bæði í Reykjavík og í Kópavogi, til viðbótar við að sækja beint til þeirra í Hafnarfjörðinn.

„Okkur fannst kominn tími til að færa okkur nær stórum viðskiptavinahópum okkar í Kópavogi og Reykjavík. Hafnfirðingar hafa verið duglegir að sækja til okkar en það er kannski svolítið úr leið fyrir þá sem búsettir eru annarsstaðar á höfuðborgarsvæðinu og kjósa ekki heimsendingu,“ segir Jenný Sif, verkefnastjóri Einn, tveir & elda.

Reykjavík og Kópavogur bætast við

Fyrirtækið hóf samstarf við veitingastaðinn Metro um afhendingu matarpakka en veitingastaðurinn er staðsettur bæði á Smáratorgi í Kópavogi og á Suðurlandsbraut í Reykjavík.

„Við höfum undanfarið fundið fyrir þörf á að fjölga afhendingarstöðum okkar einfaldlega til þess að auka þjónustu og gefa fólki meira val, við höfum heyrt það frá viðskiptavinum að stundum hentar einfaldlega ekki að fá heimsent, fólk er að vinna fram eftir og annað slíkt eins og gengur og gerist í daglegu lífi.“

Viðskiptavinir á landsbyggðinni ánægðir með þjónustuna

Fyrirtækið hóf einnig sendingar á matarpökkum sínum út á land síðastliðið haust og hefur það vakið mikla lukku meðal fólks á landsbyggðinni.

„Við höfum fengið einstaklega góð viðbrögð frá landsbyggðinni og fólki finnst þetta almennt mjög skemmtileg viðbót og góð tilbreyting. Við eigum marga trygga viðskiptavini í öllum landshlutum sem við erum mjög þakklát fyrir.“

Minni plastnotkun hefur vakið lukku

Einn, tveir & elda tók skrefið í átt að umhverfisvænni umbúðum í byrjun árs og skipti öllum máltíðarpokum sínum yfir í pappírspoka.

„Við höfum auðvitað tekið eftir því frá byrjun að matarpökkum fylgir gjarnan mikið plast og við  ákváðum að tækla það verkefni. Nú er öllum hráefnum pakkað í pappírsumbúðir þegar á við auk þess sem máltíðirnar sjálfar eru í pappírspoka en ekki plastpoka eins og áður hefur tíðkast.“

Kynntu þér úrval girnilegra rétta á einntveir.is og einfaldaðu eldamennskuna svo um munar.

Þessi kynning er unnin í samstarfi við Einn, tveir & elda.