Svona var 104. upplýsingafundur almannavarna

Boðað hefur verið til upplýsingafundar í dag vegna kórónuveirufaraldursins. Fundurinn hefst klukkan 14.03 og verður hann í beinni útsendingu á Vísi, sjónvarpsstöðinni Stöð 2 Vísi og á Bylgjunni.

Þórólfur Guðnason, sóttvarnalæknir, fer yfir stöðu mála, varðandi framgang COVID-19 faraldursins hér á landi ásamt Víði Reynissyni, yfirlögregluþjóni. 

Gestur fundarins verður Ólöf Snæhólm Baldursdóttir, upplýsingafulltrúi Veitna en framundan er töluverð framkvæmd þar sem loka þarf fyrir rennsli á heitu vatni í Hafnarfirði, hluta Garðabæjar, efri byggðum Kópavogs og Norðlingaholti klukkan tvö í nótt. Lokunin stendur yfir í ríflega 30 klukkustundir eða til níu á miðvikudagsmorgun.

Hér að neðan má fylgjast með fundinum í beinni útsendingu, auk þess sem að þar fyrir neðan má fylgjast með framvindu fundarins í beinni textalýsingu.

Tveir greindust með kórónuveiruna sem veldur Covid-19 innanlands í gær og greindist þeir hjá sýkla- og veirufræðideild Landspítalans. Níu ný smit greindust á landamærunum og er niðurstöðu mótefnamælingar beðið samkvæmt uppfærðum tölum á covid.is.

Samkvæmt upplýsingum á covid.is eru 116 í einangrun samanborið við 121 í gær. 528 eru nú í sóttkví, en fjöldinn var 560 í gær. Einn liggur nú á sjúkrahúsi og enginn á gjörgæslu.