Valur og KR drógust saman hjá stelpunum

Dregið var í undanúrslit í Geysisbikars karla og kvenna í körfubolta í Íþróttamiðstöðinni í Laugardal í dag.

Bikarmeistarar Stjörnunnar í karlaflokki mæta annaðhvort Tindastól eða Þór Akureyri en þau mætast í frestuðum leik í kvöld. Í hinum leiknum mætast Fjölnir og Grindavík.

Bikarmeistarar Vals í kvennaflokki drógust á móti KR en þetta eru tvö efstu liðin í Domino´s deild kvenna. Í hinum leiknum mætast síðan Skallagrímur og Haukar.

Undanúrslitaleikirnir fara fram i Laugardalshöllinni eins og bikarúrslitaleikurinn en bikarúrslitavika körfuboltans fer fram frá 12. til 16. febrúar í ár.

Undanúrslit Geysisbikars karla (Miðvikudagur 12. febrúar):

Fjölnir - Grindavík

Tindastóll/Þór Ak. - Stjarnan

Undanúrslit Geysisbikars kvenna (Fimmtudagur 13. febrúar):

Valur - KR

Skallagrímur - Haukar