Þrátt fyrir að vera í miklum minnihluta í stúkunni í Malmö Arena á leik Danmerkur og Íslands á EM 2020 létu íslensku stuðningsmennirnir vel í sér heyra.
Þeir ærðust einnig úr fögnuði þegar ljóst var að Íslandi myndi vinna leikinn, 30-31.
Glöggt dæmi um það má sjá á myndbandi sem Magnús Agnar Magnússon, umboðsmaður fótboltamanna og fyrrverandi handboltamaður, birti á Facebook í dag.
Rúmlega 1000 Íslendingar voru í Malmö Arena í dag, en um 10.000 Danir.
Eftir sigurinn í dag er Ísland með tvö stig í E-riðli, líkt og Ungverjaland.
Næsti leikur íslenska liðsins er gegn því rússneska á mánudaginn.
