Evrópumeistararnir komnir með annan fótinn í undanúrslit

Evrópumeistarar Spánar eru í afar vænlegri stöðu í milliriðli I á Evrópumótinu í handbolta eftir sigur á Austurríki, 30-26, í dag.

Spánverjar hafa unnið alla leiki sína á EM og eru með sex stig á toppi milliriðils I. Austurríkismenn, sem hafa tapað tveimur leikjum í röð, eru í 4. sæti milliriðilsins.

Staðan í hálfleik var 17-16, Spáni í vil. Í seinni hálfleik lokuðu Evrópumeistararnir vörninni og lönduðu öruggum sigri.

Jorge Maqueda skoraði sex mörk fyrir Spán og þeir Raul Entrerrios og Aitor Gomez sitt hvor fjögur mörkin. Janko Bozovic skoraði fimm mörk fyrir Austurríki.

Watch the Game Highlights from Spain vs. Austria, 01/18/2020 pic.twitter.com/yCorC660t7

— EHF EURO (@EHFEURO) January 18, 2020

Í fyrsta leik dagsins í milliriðli I sigraði Hvíta-Rússland Tékkland, 28-25. Hvít-Rússar fengu þar með sín fyrstu stig í milliriðlinum en Tékkar eru án stiga.

Mikita Vailupau skoraði sex mörk fyrir Hvíta-Rússland en Ondrej Zdrahala var markahæstur í tékkneska liðinu með sjö mörk.

Watch the Game Highlights from Belarus vs. Czech Republic, 01/18/2020 pic.twitter.com/GmmTooA2oY

— EHF EURO (@EHFEURO) January 18, 2020