Eggert Gunnþór, Glódís og Hörður héldu hreinu

Íslendingar voru í eldlínunni í Danmörku, Svíþjóð og Rússlandi í dag. Glódís Perla Viggósdóttir og Eggert Gunnþór Jónsson voru í sigurliði en Arnór Sigurðsson og Hörður Björgvin Magnússon gerðu jafntefli.

Eggert Gunnþór Jónsson spilaði í vörn SönderjyskE sem vann 1-0 sigur á Silkeborg í dönsku úrvalsdeildinni. SönderjyskE er með 36 stig í 2. sæti fallriðils eitt í danska boltanum.

Hörður Björgvin Magnússon spilaði allan leikinn fyrir CSKA Moskvu sem gerði markalaust jafntefli við Dynamo Moskvu. Arnór Sigurðsson byrjaði inn á en var skipt af velli á 77. mínútu. CSKA er í 5. sætinu.

Glódís Perla Viggósdóttir og stöllur hennar í Rosengård byrja sænsku úrvalsdeildina á 1-0 sigri en þær höfðu betur gegn Vittsjö á heimavelli í dag. Sigurmarkið var sjálfsmark sjö mínútum fyrir eikslok en Glódís Perla lék allan leikinn í vörn Rosengård.