Thea Imani á leið til Danmerkur

Landsliðskonan Thea Imani Sturludóttir skrifaði í dag undir samning við danska úrvalsdeildarfélagið Aarhus United.

Hin 23 ára gamla Thea kemur til liðsins frá norska liðinu Oppsall HK þar sem hún hefur verið að standa sig vel. Hún skrifaði undir tveggja ára samning.

„Thea er mjög spennandi leikmaður sem hefur alla burði til þess að verða mjög öflug. Við höfum lengi verið að fylgjast með henni og ég hlakka til að sjá hana spila með okkur,“ sagði Heine Eriksen, þjálfari Aarhus.

Thea mun ganga í raðir danska liðsins næsta sumar.