Svona var tíundi upplýsingafundurinn vegna kórónuveirunnar

Almannavarnadeild ríkislögreglustjóra boðar til upplýsingafundar fyrir blaðamenn klukkan 14 í dag í Skógarhlíð 14. Bein útsending verður frá fundinum á Vísi og Stöð 3 auk þess sem fylgst verður með í vaktinni.

Víðir Reynisson, yfirlögregluþjónn, og Alma D. Möller, landlæknir, munu fara yfir stöðu mála með tilliti til COVID-19, staðfestra smita hér á landi o.fl. Á fundinum verður einnig Páll Matthíasson, forstjóri Landspítala, en hann mun ræða aðgerðir spítalans.

Þá verður sérstaklega fjallað um börn og ungmenni á fundinum en Valtýr Stefán Thors, barnasmitsjúkdómalæknir á Barnaspítala Hringsins, mætir til að ræða stöðu þessa hóps og svara spurningum.