Von á tillögum um hömlur á ferðalög til og frá landinu

Starfshópur er nú að störfum að vinna tillögur að því hvernig og hvort setja eigi hömlur á ferðalög til og frá Íslandi. Sóttvarnarlæknir er á því að einhverjar hömlur þurfi að setja.

Í máli Þórólfs Guðnasonar sóttvarnarlæknis á daglegum upplýsinga fundi Almannavarna í dag kom fram að vinna við tillögurnar væri í fullum gangi. Vonir stæðu til að hægt væri að kynna niðurstöður öðru hvoru megin við helgi.

Minnti Þórólfur á að það væri hollt að muna eftir því að það voru íslenskir ferðamenn sem komu með sýkinguna inn í samfélagið. Þá væru þær aðstæður uppi í öðrum löndum í kringum okkur að sýkingin væri útbreiddari nú en áður og því skynsamlegt að setja hömlur á komu ferðamann til landsins til að koma í veg fyrir að faraldurinn sækti í sig veðrið á ný.

Aðspurður um þetta sagði Þórólfur að í raun væru þrjár leiðir í boði.

1. Gera ekki neitt og leyfa öllum að koma

2. Loka á alla og leyfa ekki neitt.

3. Fara millileið og lágmarka áhættuna.

Þórólfi finndist þriðja leiðin mest spennandi en heyra þyrfti fleiri skoðanir áður en ákvörðun verður tekin.