Liverpool hefur farið alla leið í úrslitaleik Meistaradeildarinnar undanfarin tvö tímabil en í bæði skiptin þurfti liðið að ná í úrslit í lokaleik riðlakeppninnar. Liverpool liðið er í sömu stöðu í kvöld en þarf nú að klára dæmið á útivelli en árin á undan fór umræddur leikur fram á Anfield.
Þetta er þriðja árið í röð þar sem Liverpool mætir liði í lokaumferðinni þar sem bæði lið geta komist áfram í sextán liða úrslit Meistaradeildarinnar.
Liverpool hammer Spartak Moscow 7-0 at Anfield to ensure they finish top of their Champions League group!
— Football on BT Sport (@btsportfootball) December 6, 2017
Coutinho
Firmino
Mané
Salah pic.twitter.com/TFwjLNO3Na
#LiveBolanet FT: Liverpool 7-0 Spartak Moscow (4'15'50' Coutinho, 19' Firmino, 47'76' Mane, 86' Salah) | Possessions: 53%-47% | Shots: 17-13 | Tackles: 20-17 pic.twitter.com/6kr2JXVRdH
— Bola (@Bolanet) December 6, 2017
Fyrir tveimur árum þurfti Liverpool stig á heimavelli á móti rússneska félaginu Spartak Moskvu í lokaumferðinni. Spartak hefði náð Liverpool að stigum með sigri.
Liverpool liðið kláraði verkefnið með glæsibrag og vann leikinn 7-0. Philippe Coutinho skoraði tvö mörk á fyrstu fimmtán mínútunum og endaði með þrennu. Roberto Firmino kom Liverpool í 3-0 á 19. mínútu og bæði Sadio Mané (2 mörk) og Mohamed Salah skoruðu í seinni hálfleiknum.
Liverpool tryggði sér sigur í riðlinum með þessum stórsigri, Sevilla fór með Liverpool upp úr riðlinum en Spartak Moskva sat eftir.
We met Napoli on Dec. 11, 2018 in another CL decisive game. We won 1-0. Our key stats from this match:
— Parted Beard (@LIVERsuperPOOL) November 27, 2019
- 23 shots (13 off target + 5 blocked)
- 5 big chances missed (3 by Mane)
- 48% possession (our avg 61%)
- 1 amazing goal by Salah
- 1 career-defining save by Alisson pic.twitter.com/PwUJ7mVzEb
Í fyrra hafði Liverpool komið sér í vandræði með þremur tapleikjum á útivelli í riðlinum en liðið fékk úrslitaleik á heimavelli í lokaumferðinni. Ítalska félagið Napoli kom í heimsókn á Anfield og nægði jafntefli.
Liverpool varð því að vinna leikinn fyrir ári síðan og það tókst. Mohamed Salah skoraði eina mark leiksins á 34. mínútu. Liverpool og Napoli enduðu bæði með níu stig og bæði innbyrðis leikir og markatala var jöfn. Liverpool fór á endanum á fleiri mörkum skoruðum í riðlakeppninni.
Að þessu sinni heimsækir Liverpool austurríska liðið Red Bull Salzburg í Alpana og nægir þar eitt stig til að skilja Salzburg eftir í riðlinum.
Salzburg beit frá sér í fyrri leiknum á Anfield þar sem Liverpool marði á endanum 4-3 sigur. Liverpool gæti farið áfram þrátt fyrir tap en þá þyrfti botnlið Genk að vinna Napoli á útivelli.
Leikur Red Bull Salzburg og Liverpool hefst klukkan 17.55 og verður sýndur beint á Stöð 2 Sport 2.
