Innlent

Leggja til nýja veglínu um Djúpuvík og Veiðileysuháls

Kristján Már Unnarsson skrifar
Horft í átt að Djúpuvík. Vegurinn færi vinstra megin við gömlu síldarbræðsluna og síðan áfram yfir höfðann í stað þess að liggja í gegnum þorpið.
Horft í átt að Djúpuvík. Vegurinn færi vinstra megin við gömlu síldarbræðsluna og síðan áfram yfir höfðann í stað þess að liggja í gegnum þorpið. Stöð 2/Egill Aðalsteinsson.

Vegagerðin hefur kynnt matsáætlun vegna nýs vegar um Veiðileysuháls, helsta farartálmanum á Strandavegi í Árneshreppi. Í samgönguáætlun er búið að marka 750 milljónir króna til verksins, með 300 milljóna króna byrjunarframlagi á árinu 2024. 

Matsáætlunin gerir ráð fyrir að tæplega tólf kílómetra kafli verði endurbyggður, frá botni Veiðileysufjarðar og vestur fyrir Djúpuvík, nánar tiltekið frá Kráku í Veiðileysufirði að Kjósará í Kjósarvík.

Hér má sjá mismunandi veglínur, sem komu til skoðunar. Vegagerðin leggur til að gula línan verði valin. Appelsínugula línan sýnir núverandi veg.Kort/Vegagerðin.

Þrjár breytingar eru lagðar til á vegstæðinu. Lagt til að vegurinn fari ekki í gegnum þorpið í Djúpuvík heldur yfir Kjósarhöfða, við Kúvíkur er lagt til að vegurinn liggi nær Kúvíkum og loks er lagt til að ofan eyðibýlisins Veiðileysu liggi vegurinn á stærstum kafla neðar í hlíðinni.

„Markmið framkvæmdarinnar er að bæta samgöngur á Vestfjörðum og hafa þar með jákvæð áhrif á samfélagið,“ segir í kynningu Vegagerðarinnar.

Frá veginum um Veiðileysuháls. Lagt er til að nýr vegur verði lagður í beygju til vinstri og strax látinn lækka í stað þess að liggja áfram hátt uppi í hlíðinni ofan Veiðileysufjarðar.Stöð 2/Egill Aðalsteinsson.

„Með nýjum vegi um Veiðileysuháls verða samgöngur í Strandasýslu áreiðanlegri og öruggari. Að loknum framkvæmdum verður mögulegt að halda veginum á milli Bjarnarfjarðar og Djúpuvíkur opnum allan ársins hring sé á annað borð ferðaveður,“ segir ennfremur. 

Sjá einnig hér: Ekki réttlátt að vera lokuð inni í þrjá mánuði

Almenningi gefst kostur á að gera athugasemdir við matsáætlunina og er athugasemdafrestur til 20. janúar 2020. 

Fjallað var um Veiðileysuhálsinn og Árneshreppsbúa í frétt Stöðvar 2 fyrir ári:

Árneshreppur Ferðamennska á Íslandi Samgöngur Umferðaröryggi

Tengdar fréttir

Lokuð inni í þrjá mánuði - ekki réttlátt

Íbúar Árneshrepps mega búast við að vera innilokaðir í þrjá mánuði í vetur þar sem stjórnvöld ætla ekki að kosta snjómokstur. Ung móðir sem nýlega flutti í hreppinn segir bættar vegasamgöngur númer eitt, tvö og þrjú.

Afskekkt hótelmæðgin vilja vegabætur á Ströndum strax

Mæðginin Eva Sigurbjörnsdóttir oddviti og Héðinn Birnir Ásbjörnsson, hótelhaldari á Hótel Djúpavík, krefjast þess að Alþingi forði "merkilegustu sveit landsins“ frá því að leggjast í eyði. Annað yrði ríkisstjórn undir foryst

Mest lesið


Fleiri fréttir

Sjá meira


×

Mest lesið