Martin öflugur í sigri

Alba Berlin vann sigur á Zalgiris Kaunas í EuroLeague í körfubolta í kvöld.

Martin Hermannsson var meðal atkvæðamestu manna í liði Alba, hann skoraði 11 stig og gaf þrjár stoðsendingar. Auk þess var hann með tvö fráköst og þrjá stolna bolta.

Það var frekar lítið skorað í leiknum, gestirnir í liði Zalgiris skoruðu aðeins 7 stig í fyrsta leikhluta og staðan í hálfleik var 32-26 fyrir Alba.

Leikurinn var nokkuð jafn í síðari hálfleik en svo fór að Alba vann 69-62 sigur.

Berlínarliðið er nú komið með fjóra sigra eftir ellefu leiki í EuroLeague.